اکشرپٹیل پر 12 لاکھ اور سنجو سیمسن پر 24 لاکھ کا جرمانہ لگایا گیا ہے۔
Axar Patel Fined in IPL 2025: آئی پی ایل 2025 میں ممبئی انڈینس کے خلاف سلو اوورریٹ کے سبب دہلی کیپٹلس کوکپتان اکشرپٹیل پر12 لاکھ روپئے کا جرمانہ لگایا گیا ہے۔ یہ مقابلہ دارالحکومت دہلی کے ارون جیٹلی اسٹیڈیم میں کھیلا گیا، جہاں دہلی کیپٹلس کو دلچسپ مقابلے میں 12 رنوں سے ہار کا سامنا کرنا پڑا۔ اس سے پہلے راجستھان رائلس کے کپتان سنجوسیمسن پربھی سلواوورریٹ کے لئے جرمانہ لگایا گیا تھا۔
دراصل، 9 اپریل کوراجستھان رائلس کونریندرمودی اسٹیڈیم میں گجرات ٹائٹنس (جی ٹی) کے ہاتھوں 58 رنوں کی زبردست ہارکا سامنا کرنا پڑا تھا۔ اس میچ میں سلو اوور ریٹ کے سبب راجستھان رائلس (آرآر) کے کپتان سنجو سیمسن پر 24 لاکھ روپئے کا جرمانہ لگا تھا۔ یعنی کل اکشرپپٹل اور9 اپریل کو سنجو سیمسن نے ایک ہی جرم کیا۔ دونوں کوسزا بھی ملی، لیکن جرمانے کی رقم الگ الگ تھی۔ سنجو سیمسن کوسلواوورریٹ کے لئے اکشرپٹیل کے مقابلے دوگنی رقم دینی پڑی۔ اکشر-سیمسن اوران کی ٹیم پرآئی پی ایل کے کوڈ آف کنڈکٹ 2.22 کے تحت جرمانہ لگایا گیا تھا۔
ایک جیسا جرم تو جرمانہ الگ الگ کیوں؟
دراصل، آرٹیکل 2.22 کے تحت سست اوور رفتار بنائے رکھنے پر پہلی بار جرم کے لئے کپتان پر 12 لاکھ رپوئے کا جرمانہ لگایا جاتا ہے۔ چونکہ یہ آئی پی ایل کے ضابطہ اخلاق کے آرٹیکل 2.22 کے تحٹ اکشرپٹیل کی ٹیم کا اس سیشن میں پہلا جرم تھا، اس لئے اکشرپٹیل پر 12 لاکھ روپئے کا جرمانہ لگایا گیا ہے۔ اگروہ دوبارہ یہی جرم کرتے ہیں تو ان پر 24 لاکھ کا جرمانہ لگے گا۔
سنجو سیمسن کی ٹیم نے دوہرایا تھا جرم
وہیں، راجستھان رائلس نے گزشتہ سلواوورریٹ سے متعلق جرم ریان پراگ کی کپتانی میں کی تھی۔ جب گوہاٹی کے بارساپورہ کرکٹ اسٹیڈیم میں چنئی سپرکنگس (سی ایس کے) کے خلاف میچ جیتنے کے بعد ان پر 12 لاکھ روپئے کا جرمانہ لگایا گیا تھا۔ حالانکہ اس کھیل میں سنجو سیمسن اپنی انگلی کی چوٹ کے سبب بطورایک کھلاڑی کے طور پر کھیل رہے تھے۔ ایسے میں راجستھان رائلس نے دوبارہ جرم کیا، اس لئے سنجو سیمسن پر24 لاکھ روپئے کا جرمانہ لگا تھا۔
کن کن کپتانوں پر لگا چکا ہے جرمانہ؟
واضح رہے کہ اکشرپٹیل اورسنجو سیمسن اس سیشن میں سلواووررفتار کے لئے واحد کپتان نہیں ہیں، جنہیں اس سیزن میں سلواوورریٹ کی وجہ سے سزا دی گئی ہے۔ ممبئی انڈینس کے ہاردک پانڈیا، لکھنؤسپرجائنٹس کے رشبھ پنت اوررائل چیلنجرس بنگلورو کے رجت پاٹیدارپربھی اسی طرح کے جرائم پرجرمانہ عائد کیا گیا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
