کانگریس لیڈر راہل گاندھی۔ (فائل فوٹو)
مودی سرنیم والے ہتک عزت معاملے میں راہل گاندھی کو نچلی عدالت سے قصور وار ٹھہرائے جانے کے فیصلے کو گجرات ہائی کورٹ نے برقرار رکھا ہے اور کانگریس لیڈر کو کوئی راحت نہیں دی ہے۔ راہل گاندھی سے متعلق جمعہ (7 جولائی) کو آئے گجرات ہائی کورٹ کے فیصلے کے بعد کانگریس لیڈر ابھیشیک منوسنگھوی نے پریس کانفرنس کی ہے۔
ابھیشیک منوسنگھوی، کانگریس کے سابق صدر راہل گاندھی کے وکیل بھی ہیں۔ انہوں نے بتایا کہ راہل گاندھی کے اس معاملے میں اب سپریم کورٹ کا رخ کیا رہے گا۔ انہوں نے گجرات ہائی کورٹ کے فیصلے کو مایوس کن قرار دیا ہے، ساتھ ہی کہا ہے کہ یہ امید کے برخلاف فیصلہ نہیں ہے۔
سپریم کورٹ کے سینئر وکیل نے کہا ”66 دن بعد فیصلہ آیا ہے اور فیصلے کی کاپی 10 منٹ جاری ہوئی ہے۔” انہوں نے کہا، ”پُرنیش مودی کی ہتک عزت کیسے ہوئی، اس کا جواب نہیں ملا۔ راہل گاندھی کی تقریر میں نفرت کہاں ہے، یہ بھی ثابت نہیں ہوتا ہے۔ اس کا جواب نہیں ملا کہ عرضی گزار کو نقصان کیا ہوا۔
بھارت ایکسپریس-
