پی ایم مودی نے کیرالہ کی پہلی وندے بھارت ٹرین کو ہری جھنڈی دکھائی، ترواننت پورم میں روڈ شو کیا
PM Modi flags off Kerala’s first Vande Bharat train: وزیر اعظم نریندر مودی دو روزہ دورے پر کیرالہ آئے ہوئے ہیں۔انہوں نے اس دوران منگل (25 اپریل) کو صبح 11:10 بجے ترواننت پورم سینٹرل اسٹیشن سے ترواننت پورم اور کاسرگوڈ کے درمیان ریاست کی پہلی وندے بھارت ٹرین کو ہری جھنڈی دکھائی۔
وزیر اعظم کے دفتر (پی ایم او) کے مطابق، یہ ٹرین 11 اضلاع میں چلے گی۔ ان میں ترواننت پورم، کولم، کوٹائم، ایرناکولم، تھریسور، پالکاڈ، پٹھانمتھیٹا، ملاپورم، کوزی کوڈ، کنور اور کاسرگوڈ شامل ہیں۔
#WATCH | Kerala: PM Narendra Modi flags off the Thiruvananthapuram Central-Kasaragod Vande Bharat Express train from Thiruvananthapuram Central railway station. pic.twitter.com/zdqdmwNE3g
— ANI (@ANI) April 25, 2023
ترواننت پورم میں روڈ شو کیا گیا
پی ایم مودی آج صبح ہی ترواننت پورم پہنچے تھے۔ یہاں وزیراعظم کا پرتپاک استقبال کیا گیا۔ یہاں پہنچ کر انہوں نے روڈ شو کر کے لوگوں کا شرکریہ بھی ادا کیا۔ اس کے بعد وہ سینٹرل ریلوے اسٹیشن کے لیے روانہ ہوگئے۔
وندے بھارت ٹرین کو جھنڈی دکھا کر روانہ کرنے کے بعد، وزیر اعظم نریندر مودی نے ترواننت پورم میں ڈیجیٹل سائنس پارک کا سنگ بنیاد رکھا۔ انہوں نے ترواننت پورم میں مختلف ترقیاتی منصوبوں کا بھی افتتاح کیا۔
پی ایم مودی نے بچوں سے بات چیت کی
#WATCH | Kerala: PM Narendra Modi along with Governor Arif Mohammed Khan, CM Pinarayi Vijayan and MP Shashi Tharoor arrives at Thiruvananthapuram Central railway station where he will be flagging off the Vande Bharat Express train. pic.twitter.com/i5eVgSSrl2
— ANI (@ANI) April 25, 2023
ریلوے اسٹیشن کے پلیٹ فارم 1 سے وندے بھارت ایکسپریس کو ہری جھنڈی دکھانے سے پہلے پی ایم مودی نے ٹرین کے ایک ڈبے کے اندر اسکولی بچوں کے ایک گروپ سے بات چیت بھی کی۔ کیرالہ کے گورنر عارف محمد خان، وزیر اعلیٰ پنارائی وجین اور کانگریس کے رکن پارلیمنٹ ششی تھرور بھی وزیر اعظم کے ساتھ موجود تھے۔ اس دوران بچوں نے مودی کو وندے بھارت ٹرین کی اپنی پینٹنگز اور خاکے دکھائے۔
#WATCH | Kerala: PM Narendra Modi greets people as he arrives in the state capital Thiruvananthapuram. He will today flag off the Vande Bharat Express train at Thiruvananthapuram Central railway station. pic.twitter.com/EgSPZoFlm8
— ANI (@ANI) April 25, 2023
پی ایم کو ٹرین کو ہری جھنڈی دکھاتے دیکھ کر دوسری طرف کے پلیٹ فارم پر بھی سینکڑوں لوگ جمع ہو گئے۔ وندے بھارت ایکسپریس ریاستی دارالحکومت کو کیرالہ کے شمالی ترین ضلع کاسرگوڈ سے جوڑے گی۔ پی ایم مودی کے دورے کے لیے ریاست میں سخت حفاظتی انتظامات کیے گئے تھے۔
-بھارت ایکسپریس
