اسد الدین اویسی
Asaduddin Owaisi: اے آئی ایم آئی ایم سربراہ اسد الدین اویسی کی دہلی میں رہائش گاہ پر بدماشوں نے دیر شام پتھراؤ کیا ہے ۔ موصولہ اطلاعات کے مطابق کچھ نامعلوم افراد نے دہلی کے اشوکا روڈ پر اسدالدین اویسی کی رہائش گاہ پر مبینہ طور پر حملہ کیا ہے۔ اس معاملے میں اسد الدین اویسی نےپولیس میں شکایت درج کرائی ہے۔ اس کے بعد ایڈیشنل ڈی سی پی نے ان کی رہائش گاہ کا دورہ کیا۔ اسی کے ساتھ ہی پولیس شواہد اکٹھے کر رہی ہے۔
My Delhi residence has been attacked again. This is the fourth incident since 2014. Earlier tonight, I returned from Jaipur & was informed by my domestic help that a bunch of miscreants pelted stones that resulted in broken windows. @DelhiPolice must catch them immediately pic.twitter.com/vOkHl8IcNH
— Asaduddin Owaisi (@asadowaisi) February 19, 2023
کھڑکیوں کے شیشے ٹوٹے ہوئے تھے
آل انڈیا مجلس اتحاد المسلمین (اے آئی ایم آئی ایم) کے سربراہ اسد الدین اویسی نے الزام لگایا ہے کہ کچھ نامعلوم لوگوں نے دہلی میں ان کی اشوکا روڈ رہائش گاہ پر پتھراؤ کیا۔ اویسی نے کہا، ”میں رات 11:30 بجے اپنی رہائش گاہ پہنچا۔ واپسی پر میں نے دیکھا کہ کھڑکیوں کے شیشے ٹوٹے ہوئے ہیں اور چاروں طرف پتھر پڑے ہوئے ہیں۔ میری گھریلو ملازمہ نے بتایا کہ شام ساڑھے پانچ بجے شرپسندوں کے ایک گروپ نے رہائش گاہ پر پتھراؤ کیا۔
یہ چوتھا حملہ ہے
اسداالدین اویسی کا کہنا ہے کہ ان کی رہائش گاہ پر یہ چوتھا حملہ ہے۔ اس حملہ میں گھر کی کھڑکیوں کے شیشوں کو توڑا گیا ہے ۔ ایک ٹویٹ میں، اویسی نے کہا کہ یہ تشویشناک ہے کہ یہ واقعہ ایک نام نہاد “ہائی سیکورٹی” والے علاقے میں پیش آیا۔
پولیس معاملے کی تحقیقات کر رہی ہے
دہلی پولیس نے موقع پر پہنچ کر معاملے کی جانچ شروع کر دی ہے۔ پولیس نے تحقیقات کے دوران اویسی کی رہائش گاہ سے کچھ پتھر برآمد کیے ہیں۔ ساتھ ہی سی سی ٹی وی فوٹیج کی بھی جانچ کی جا رہی ہے۔ پولیس یہ بھی جاننے کی کوشش کر رہی ہے کہ یہ حملہ کس نے اور کب کیا۔ پولیس نے بتایا کہ نامعلوم حملہ آور نے مبینہ طور پر پتھر پھینک کر اسد الدین اویسی کی رہائش گاہ کی کھڑکیوں کو نقصان پہنچایا۔
ملزمان کو جلد از جلد گرفتار کیا جائے
Delhi | Residence of AIMIM chief Asaduddin Owaisi, at Ashoka road, was allegedly attacked by some unknown persons. A complaint was filed by Asaduddin Owaisi in this regard. Addl DCP visited his residence, police collecting the evidence. pic.twitter.com/82hKfxF6hI
— ANI (@ANI) February 19, 2023
اس واقعہ کے بعد اے آئی ایم آئی ایم کے سربراہ اسد الدین اویسی نے پولیس سے رجوع کیا اور اس معاملے میں اپنی شکایت درج کرائی۔ جس میں اسد الدین اویسی نے الزام لگایا کہ کچھ نامعلوم “شرپسندوں” نے ان کی دہلی کی رہائش گاہ پر پتھراؤ کیا۔ اس معاملے میں انہوں نے فوری کارروائی کا مطالبہ کرتے ہوئے کہا کہ ملزمان کو جلد از جلد گرفتار کیا جائے۔ اس کے لیے سی سی ٹی وی فوٹیج کی مدد لی جا رہی ہے۔
-بھارت ایکسپریس
