اکھلیش یادو کی کس بات پر برہم ہوئے امت شاہ
مودی حکومت نے جمعرات کو لوک سبھا میں وقف ترمیمی بل پیش کیا۔ اپوزیشن نے متفقہ طور پر اس بل کی مخالفت کی اور ہنگامہ کیا۔ ایوان کی کارروائی کے دوران ایس پی صدر اکھلیش یادو اور امت شاہ کے درمیان گرما گرم بحث بھی ہوئی۔
جب اکھلیش یادو بل کے خلاف بول رہے تھے تو امت شاہ کھڑے ہوئے اور انہیں روکتے ہوئے کہا کہ آپ اس طرح گول مول اور مبہم بات نہیں کر سکتے۔
بل کے خلاف احتجاج کرتے ہوئے اکھلیش یادو نے کہا، “یہ منصوبہ بند سیاست کے حصے کے طور پر ہو رہا ہے، اگر آپ تمام اختیارات ضلع مجسٹریٹ کو دیتے ہیں، تو آپ کو معلوم ہے کہ ایک ضلع مجسٹریٹ نے ایک جگہ ایسا کارنامہ انجام دیا کہ آنے والی نسلیں بھی اس کا خمیازہ بھکتیں گی۔ اکھلیش یادو بی جے پی کو تنقید کا نشانہ بناتے ہوئے کہا کہ بی جے پی اپنے مایوس کن کارکردگی اور چند کٹر حامیوں کو خوش کرنے کے لیے یہ بل لانے کی کوشش کر رہی ہے۔
اکھلیش یادو نے لوک سبھا اسپیکر سے کہا کہ جناب، میں نے سنا ہے کہ آپ کے کچھ حقوق بھی چھینے جا رہے ہیں، اس لیے ہم سب کو آپ کے لیے بھی لڑنا پڑے گا۔ اکھلیش یادو کی تقریر سننے کے بعد امت شاہ نے انہیں روکتے ہوئے کہا، “اسپیکر صاحب، وہ (اکھلیش) کرسی کی توہین کر رہے ہیں۔”
‘آپ اسپیکر کے حقوق کے محافظ نہیں ہیں’ – امت شاہ
ایوان میں شور شرابے کے درمیان امت شاہ نے اکھلیش یادو سے کہا، “اسپیکر کے حقوق صرف اپوزیشن کے نہیں بلکہ ہم سب کے ہیں۔ آپ (اکھلیش) اس طرح کے متضاد بیانات نہیں دے سکتے ہیں۔.”
#WATCH | Samajwadi Party MP Akhilesh Yadav speaks in Lok Sabha on Waqf (Amendment) Bill, 2024
“Yeh bill jo introduce ho raha hai woh bahut sochi samjhi rajneeti ke tehat ho raha hai…Speaker sir, I heard in the lobby that some of your rights are also going to be taken away and… pic.twitter.com/sy7PRW6I04
— ANI (@ANI) August 8, 2024
بھارت ایکسپریس۔
