بنگال میں ممتا بنرجی کو بڑا جھٹکا، فالتا میں ٹی ایم سی امیدوار جہانگیرخان نے الیکشن لڑنے سے واپس لے لیا اپنا نام

مغربی بنگال میں ممتا بنرجی کو بڑا جھٹکا لگا ہے۔ یہاں فالتا اسمبلی سیٹ پرہونے والی ووٹنگ سے پہلے ترنمول کانگریس (ٹی ایم سی) کے امیدوار جہانگیرخان نے الیکشن لڑنے سے انکار کر دیا ہے۔ انہوں نے اپنا نام واپس لے لیا ہے۔ واضح رہے کہ اس سیٹ پرالیکشن میں دھاندلی کے الزام لگنے کے بعد الیکشن کمیشن نے ضمنی الیکشن کا اعلان کیا تھا اور 21 مئی کو یہاں ووٹنگ ہونی ہے۔

جہانگیرخان ‘پشپا’ فلم کا ڈائیلاگ بول کرسرخیوں میں آگئے تھے۔ انہوں نے کہا تھا- ‘پشپا جھکے گا نہیں سالا’ انتخابی تشہیر کے دوران ان کا یہ انداز کافی وائرل ہوگیا تھا۔ ان کے انداز کو دیکھ کرایسا نہیں لگتا تھا کہ ووٹنگ سے محض دو دن قبل وہ اچانک انتخابی میدان سے پیچھے ہٹ جائیں گے۔ جہانگیرخان کے اس فیصلے نے نہ صرف ترنمول کانگریس کو حیران کیا ہے بلکہ سوشل میڈیا پر بھی انہیں ٹرول کیا جا رہا ہے کہ ‘پشپا’ کے تیوراتنی جلدی کیسے نرم پڑگئے۔

کلکتہ ہائی کورٹ میں داخل کی تھی عرضی

جہانگیرخان نے پیر(18 مئی، 2026) کو کلکتہ ہائی کورٹ میں بنگال پولیس کی طرف سے کسی بھی طرح کی ظالمانہ والی کارروائی سے تحفظ حاصل کرنے کی درخواست کی تھی۔ ٹی ایم سی لیڈرجہانگیرنے اپنی درخواست میں الزام لگایا کہ ان کے خلاف باربارفوجداری مقدمات درج کئے جا رہے ہیں۔ ان کے وکیل نے عدالت کوبتایا کہ ان پرآئے روزنئے فوجداری مقدمات درج کئے جا رہے ہیں۔ جبکہ اس کے مؤکل کو قانونی چارہ جوئی کا حق حاصل ہے، لیکن اس کے خلاف درج ایف آئی آرکا انکشاف کیا جانا چاہئے۔

پشپا اب میری ذمہ داری: شوبھیندو ادھیکاری