تیز ہواؤں اور بارش سے دہلی-این سی آر کا موسم ہوا خوشگوار
Weather of Delhi-NCR became pleasant due to rain: دہلی این سی آر کے لوگوں کوپچھلے کچھ دنوں سے گرمی اور امس کا سامنا کر رہے تھے۔لیکن آج دہلی این سی آر میں لوگ کو کچھ راحت ملی ہے۔ ہفتہ کی دوپہر تیز ہواؤں کے ساتھ آسمان پر گہرے بادل چھائے ہوئے تھے ۔موسلا دھار بارش سے موسم خوشگوار ہوگیا ہے۔ دہلی این سی آر میں تیز بارش ہوئی جس کے باعث درجہ حرارت میں کمی واقع ہوئی ہے ۔ گہرے بادلوں کی وجہ سے دن ایسا لگتا ہے کہ سیاہ ہوگیا۔ اس دوران انڈیا گیٹ سمیت کئی مقامات پر گاڑیاں روشنیوں کے ساتھ چلتی دیکھی گئیں۔
#WATCH | Delhi: Rain lashes parts of the national capital
(Visuals from near India Gate) pic.twitter.com/Bboii0Hoe4
— ANI (@ANI) September 23, 2023
دہلی کے محکمہ موسمیات نے جمعہ 22 ستمبر اور ہفتہ 23 ستمبر کو دہلی این سی آر اور آس پاس کے علاقوں میں بارش کی پیش گوئی کی گئی تھی۔ ہفتہ کو دہلی میں زیادہ سے زیادہ درجہ حرارت 32 ڈگری سیلسیس اور کم سے کم درجہ حرارت 26 ڈگری سیلسیس ریکارڈ کیا گیا۔ جو کہ کم از کم اوسط درجہ حرارت سے تین ڈگری سیلسیس زیادہ ہے۔ اس سے قبل کل یعنی جمعہ کو زیادہ سے زیادہ درجہ حرارت 37 ڈگری سیلسیس اور کم سے کم درجہ حرارت 27 ڈگری سیلسیس ریکارڈ کیا گیا تھا۔ گزشتہ دنوں کے مقابلے ہفتہ کو درجہ حرارت میں معمولی کمی دیکھنے میں آئی۔
یہ بھی پڑھیں: خالصتانی دہشت گرد پنّو کے خلاف بڑی کارروائی، چندی گڑھ اور امرتسر میں این آئی اے نے ضبط کی جائیداد
دہلی اور آس پاس کے علاقوں میں ستمبر کے آخر تک بارش کا امکان ہے
میڈیا میں شائع خبر کے مطابق جب مانسون دہلی میں واپس آیا تو اگست اور ستمبر میں معمول سے کم بارش ریکارڈ کی گئی۔ صفدرجنگ میں واقع اسٹینڈرڈ آبزرویٹری کے مطابق جون اور اگست میں معمول سے زیادہ بارش ریکارڈ کی گئی۔ دہلی اور آس پاس کے علاقوں میں اس مہینے کے آخر تک یعنی ستمبر کے آخر تک بارش کا امکان ہے۔ بارش کے باوجود دہلی والوں کو اگلے تین چار دنوں تک گرمی اور امس سے راحت ملنے کا امکان نہیں ہے۔ ہفتہ کو دہلی میں صبح کی نمی 115 فیصد ریکارڈ کی گئی، جب کہ ہوا کے معیار کا انڈیکس 84 AQI ریکارڈ کیا گیا، جو AQI کے معیاری پیمانے پر ‘اطمینان بخش زمرے’ میں درج کیا گیا۔
بھارت ایکسپریس
