مرحوم مختار انصاری کے بیٹے عمر انصاری کی جیل تبدیل کردی گئی ہے۔ (فائل فوٹو)
مئوکے سابق رکن اسمبلی مرحوم مختارانصاری کے چھوٹے بیٹے عمرانصاری اترپردیش کی غازی پورجیل میں بند ہیں۔ تاہم اب ان کی جیل کوتبدیل کردیا گیا ہے۔ عمرانصاری کوہفتہ کی صبح کاس گنج جیل منتقل کردیا گیا ہے۔ پولیس نے اس تبدیلی کی وجہ سیکورٹی وجوہات بتائی ہے۔ عمر انصاری پردستاویزات پر جعلی دستخط کرنے کا الزام ہے، اسی معاملے میں وہ جیل میں بند ہیں۔ عمرانصاری کو4 اپریل کوگرفتار کیا گیا تھا اورتب سے وہ جیل میں ہیں۔
عمر انصاری کو عدالت میں جعلی دستاویزات پیش کرنے کے الزام میں گرفتارکیا گیا تھا۔ یہ مقدمہ ان کے والد مرحوم مختارانصاری کی ضبط شدہ جائیدادوں کو رہا کرنے کے لیے دائر درخواست سے متعلق ہے۔ عمرکو ہفتہ کی صبح کاس گنج جیل منتقل کردیا گیا ہے۔
عمرانصاری کو کیوں کیا گیا تھا گرفتار؟
دراصل مرحوم مختار انصاری کا چھوٹا بیٹا عمر انصاری اپنے والد کی جائیدادوں کے معاملے میں فرضی دستخط کے الزام میں جیل میں بند ہے۔ عمرانصاری پرالزام ہے کہ انہوں نے اپنی والدہ افشاں انصاری کے جعلی دستخط بنا کر ضبط کی گئی جائیداد کی جعلی دستاویزات تیار کیں۔ اس معاملے میں محمد آباد تھانے میں ان کے خلاف مقدمہ درج کیا گیا تھا۔ پولیس نے عمرانصاری کی والدہ اورمختارانصاری کی اہلیہ پر 50 ہزارانعام کا اعلان بھی کیا تھا، جوکافی عرصے سے پولیس کی گرفت سے دور ہیں۔ افشاں انصاری کے خلاف تقریباً 13 مقدمات درج ہیں۔
مختار انصاری کی جیلکا دورہ پڑنے سے انتقال کر گئے۔
مختار انصاری تقریباً ڈیڑھ سال قبل باندہ جیل میں دل کا دورہ پڑنے سے انتقال کرگئے تھے۔ اس موت سے متعلق بہت سے الزامات لگائے گئے تھے۔ اہل خانہ نے مختار انصاری کی موت کو سازش قرار دیا تھا اور اس میں حکومت کے ملوث ہونے کا بھی الزام لگایا تھا۔ تاہم اس پورے معاملے میں جیل حکام کا کہنا ہے کہ مختار انصاری کو موت سے تقریباً 3 گھنٹے قبل علاج کے لیے ڈویژنل جیل سے میڈیکل کالج لایا گیا تھا۔ جہاں علاج کے دوران ان کی موت ہوگئی تھی۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
