کانگریس پارٹی کےبینک اکاونٹ کو منجمد کئے جانے کے قریب ایک ڈیڑھ ماہ بعد کانگریس کے قدآور رہنماوں نے آج مشترکہ پریس کانفرنس کرکے مرکزی حکومت کو تنقیدوں کا نشانہ بنایا ہے۔ کانگریس صدر ملکارجن کھرگے، سابق صدر سونیا گاندھی اور راہل گاندھی نے آج اس مسئلے پر مشترکہ پریس کانفرنس کی ،جس دوران راہل گاندھی نے کہا کہ ایک ماہ قبل کانگریس پارٹی کے سارے بینک اکاونٹ منجمد کردئے گئے، آپ سوچئے کہ اگر کسی پریوار کا بینک اکاونٹ بند کردیں گے تو اس پریوار کے ساتھ کیا ہوگا۔ وہ مر جائےگا۔ لیکن کانگریس پارٹی کے ساتھ ایسا کیا گیا ہے اور افسوس کی بات ہے کہ اس پر ناہی میڈیا بات کررہی ہے اور ناہی الیکشن کمیشن کوئی نوٹس لے رہا ہے۔
الیکن کمیشن نے ایک لفظ بھی نہیں کہا۔ انہوں نے یہ بھی کہا کہ ایک ماہ سے یہ سلسلہ چل رہا ہے لیکن ابھی تک ایک لفظ بھی کہیں سے نہیں کچھ کہا جارہا ہے۔ راہل گاندھی نے کہا کہ آج ہندوستان میں جمہوریت بچی ہی نہیں ہےچونکہ جب آپ سب سے قدیم پارٹی اور بڑی اپوزیشن پارٹی کے اکاونٹ کو منجمد کررہے ہیں اور ہر طرف خاموشی ہے۔تو مطلب ہے کہ جمہوریت کا گلا گھوٹنا جارہا ہے۔ آج ہم الیکشن کے سر پر ہوتے ہوئے بھی کانگریس پارٹی تشہیری مہم شروع نہیں کرپارہی ہے چونکہ یہ مجرمانہ واردات پی ایم مودی کی قیادت میں انجام دیا گیا ہے تاکہ معاملہ یکطرفہ کردیا جائے۔
#WATCH | On freezing of party accounts ahead of Lok Sabha elections, Congress MP Rahul Gandhi says, “This is a criminal action on the Congress party, a criminal action done by the Prime Minister and the Home Minister…So, the idea that India is a democracy is a lie. There is no… pic.twitter.com/W9SOKyxU4z
— ANI (@ANI) March 21, 2024
#WATCH | Congress leader Rahul Gandhi says, “This is not freezing of Congress party’s bank accounts, this is the freezing of Indian democracy. As the biggest opposition party, we are unable to take any action – we can’t book advertisements or send our leaders anywhere. This is an… pic.twitter.com/RtKE5yKktr
— ANI (@ANI) March 21, 2024
راہل گاندھی نے مزید کہا کہ حکمراں جماعت صرف کانگریس کے اکاونٹ کو فریز نہیں کررہی ہے بلکہ یہ قدم جمہوریت کو فریز کرنے کے مترادف ہے۔ راہل گاندھی نے کہا کہ انتخابی مہم کے شروع ہونے کے باوجود ہمارے پاس دو روپئے نہیں ہیں کہ پارٹی کی تشہیر کیلئے استعمال کیا جائے۔ راہل گاندھی نے کہا کہ ہندوستان کی 20 فیصدی آبادی نے کانگریس کو ووٹ دیاتھا اور اس پارٹی کے ساتھ ایسا سلوک جمہوریت کا خون ہے۔انہوں نے اکاونٹ فریز کرکے کانگریس کو منجمد نہیں بلکہ جمہوریت کو منجمد کرنے کی کوشش کی ہے۔
بھارت ایکسپریس۔
