نیشنل بک ٹرسٹ،انڈیا، قومی اردوکونسل اورضلع انتظامیہ، سری نگرکے باہمی اشتراک سے 18 جولائی 2026 تا 26 جولائی 2026 ایس کے آئی سی سی، سری نگرمیں منعقد ہونے والے چناربک فیسٹیول کے تعلق سے آج ایک پریس کانفرنس کا انعقاد کیا گیا۔ اس پریس کانفرنس میں این بی ٹی کے ڈائرکٹریووراج ملک، قومی اردوکونسل کے ڈائریکٹرڈاکٹرشمس اقبال ، ڈپٹی کمشنر سری نگراکشے لابرواورچناربک فیسٹیول کے چیف کنوینرڈاکٹرامت وانچونے صحافیوں سے بات چیت کی اورچناربک فیسٹیول 2026 کے حوالے سے اہم معلومات فراہم کیں۔
ایک سالانہ کیلنڈرایونٹ کی حیثیت اختیارکرچکا ہے چناربک فیسٹیول
این بی ٹی کے ڈائرکٹریووراج ملک نے صحافیوں کوخطاب کرتے ہوئے کہا کہ چناربک فیسٹیول اب ایک سالانہ کیلنڈرایونٹ کی حیثیت اختیارکرچکا ہے، جومطالعے کے فروغ، ادبی مکالمے اورثقافتی تبادلے کے لئے ایک مؤثرپلیٹ فارم ثابت ہورہا ہے۔ انہوں نے مزید کہا کہ فیسٹیول میں مختلف زبانوں کی کتابیں نمائش کے لئے رکھی جائیں گی، جبکہ متعدد ادبی، ثقافتی اورفکری پروگرام بھی منعقد ہوں گے۔
ہندوستان کے مختلف علاقوں کے اردوپبلشرکررہے ہیں شرکت: ڈاکٹرشمس اقبال
قومی اردوکونسل کے ڈائریکٹرڈاکٹرشمس اقبال نے بتایا کہ چناربک فیسٹیول کے تیسرے ایڈیشن میں ہندوستان کے مختلف علاقوں کے اردوپبلشرشریک ہورہے ہیں۔ اسی طرح اس سال کتاب میلے کی ادبی وثقافتی سرگرمیوں میں بھی اضافہ ہوا ہے۔ انہوں نے کہا کہ ایک شاندارمشاعرہ، شام صوفیانہ اورمظفرعلی جیسی اہم شخصیات سے مذاکرے کا بھی اہتمام کیا گیا ہے۔ ڈپٹی کمشنر سری نگراکشے لابرونے شکارا ریلی کوجھنڈی دکھائی۔ ساتھ ہی انہوں نے کہا کہ 18 سے 26 جولائی تک جاری رہنے والا یہ فیسٹیول عوام کے لئے مکمل طورپرمفت ہوگا اوراس میں داخلے کے لیے کسی ٹکٹ کی ضرورت نہیں ہوگی۔
فیسٹیول میں مختلف ادبی وثقافتی تقاریب
چناربک فیسٹیول کے چیف کنوینرڈاکٹرامت وانچونے بھی صحافیوں سے خطاب کرتے ہوئے کہا کہ فیسٹیول کی مختلف ادبی وثقافتی تقاریب میں کالج اوریونیورسٹی کے بچے بھی شرکت کر رہے ہیں۔ واضح رہے کہ چناربک فیسٹیول کے تیسرے ایڈیشن میں ملک بھرسے تقریباً 200 ناشرین، 250 سے زائد بک اسٹالز اور 800 سے زیادہ ادیب، شاعر، فنکار، دانشوراورمفکرین شرکت کررہے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
