مہاراشٹر میں اراکین اسمبلی کی نا اہلی سے متعلق فیصلہ آنے سے پہلے مہاراشٹر کی سیاست میں ہنگامہ مچا ہوا ہے۔
مہاراشٹر کی سیاست میں آج کبھی بھی تبدیلی ہوسکتی ہے کیونکہ شیوسینا اراکین اسمبلی کی نا اہلی سے متعلق اسمبلی اسپیکر راہل نارویکرکا آج کبھی بھی فیصلہ آسکتا ہے۔ اس سلسلے میں اسمبلی اسپیکر راہل نارویکرنے میٹنگ شروع کردی ہے۔ اسمبلی بلڈنگ میں سینئرافسران کے ساتھ میٹنگ ہو رہی ہے اور شیو سینا اراکین اسمبلی کی نا اہلی سے متعلق شام 4:30 بجے فیصلہ آجائے گا۔ اس سے پہلی کی پلاننگ کیسی ہے؟ اسمبلی اسپیکراس کا جائزہ لے رہے ہیں۔
وہیں دوسری جانب، اسمبلی اسپیکرپرشیوسینا (ادھو گروپ) نے سوال اٹھایا ہے۔ شیوسینا اراکین اسمبلی پر فیصلے سے پہلے سابق وزیراعلیٰ ادھو ٹھاکرے کے بیٹے آدتیہ ٹھاکرے کا بڑا بیان سامنے آیا ہے۔ انہوں نے کہا کہ آئین کے مطابق، انصاف ہونا چاہئے۔ بی جے پی نیا آئین بنا رہی ہے۔ ہمیں آئین امبیڈکر نے دیا ہے۔ اسپیکر کا ایک پروٹوکول ہوتا ہے۔ کس سے ملنا ہے اور کس سے نہیں ملنا ہے۔ انڈیا الائنس ایک ہے۔ ہم لوگ جمہوریت کے لئے لڑ رہے ہیں۔
راجیہ سبھا رکن پارلیمنٹ اورادھو گروپ کے لیڈر سنجے راؤت نے کہا کہ اسمبلی اسپیکرکا ایک پروٹوکول ہوتا ہے۔ اگراسمبلی اسپیکرایک آئینی عہدے پربیٹھے ہیں تو اپنی کرسی چھوڑکر جو ملزم ہیں، جن پرہم نے عرضی داخل کی ہے، ان سے جاکرملاقات نہیں کرسکتے۔ پھر وہ کہتے ہیں کہ وہ فیصلہ دیں گے، یہ کون سا فیصلہ ہے، یہ میچ فکسنگ ہے۔ وزیراعظم مودی مہاراشٹرآنے والے ہیں، کیا انہیں معلوم نہیں ہے کہ فیصلہ آنے والا ہے۔ دہلی سے لے کریہاں تک اس معاملے میں میچ فکسنگ ہو رہی ہے۔
اسپیکرکے فیصلے سے پہلے بی جے پی نے کیا کہا؟
اسمبلی اسپیکر راہل نارویکر کے فیصلے سے پہلے بی جے پی نے کہا کہ ہم جس پارٹی کے نظریے سے وابستہ ہیں، جو فیصلہ آئے گا اس کا استقبال ہوگا۔ ہم سچائی کی بنیاد پر کام کررہے ہیں۔ وزیراعلیٰ ایکناتھ شندے کے ساتھ اکثریت ہے۔ ہمیں جیت کا بھروسہ ہے۔ ادھو ٹھاکرے کے دل میں بے ایمانی ہے۔
کانگریس نے بی جے پی پراٹھایا سوال
