ملک کی اعلیٰ ترین عدالت یعنی سپریم کورٹ کے چیف جسٹس ڈی وائی چندر چوڑ کی میعاد نومبر میں مکمل ہو رہی ہے۔ انہوں نے اپنے جانشین کے نام کی سفارش کی ہے۔ سی جے آئی چندر چوڑ نے مرکزی حکومت کو بھیجی گئی اپنی سفارش میں کہا ہے کہ ہندوستان کے اگلے چیف جسٹس جسٹس سنجیو کھنہ ہوں گے۔ موجودہ چیف جسٹس 10نومبر 2024 کو ریٹائر ہو جائیں گے۔ روایت کے مطابق، سی جے آئی اپنے جانشین کے نام کی سفارش اسی وقت کرتا ہے جب وزارت قانون کی طرف سے ان سے درخواست کی جاتی ہے، جس کی وجہ سے انہوں نے سی جے آئی کے عہدے کے لیے جسٹس سنجیو کھنہ کے نام کی سفارش کی ہے۔
سنیئرترین ججوں میں جسٹس کھنہ کا نام پہلے نمبر پر ہے
سنیارٹی لسٹ میں پہلا نام جسٹس سنجیو کھنہ کا ہے۔ اس لیے ان کا نام آگے بڑھایا گیا ہے۔ یہ بات بھی قابل غور ہے کہ 64 سالہ جسٹس سنجیو کھنہ کی بطور سی جی آئی مدت کار صرف 6 ماہ ہوگی۔اور جسٹس کھنہ 13 مئی 2025 کو ریٹائر ہو جائیں گے۔ وہ سپریم کورٹ کے جج کی حیثیت سے 65 فیصلے دے چکے ہیں۔ اپنے دور میں وہ 275 بنچوں کا حصہ رہے ہیں۔جسٹس سنجیو کھنہ کی بات کریں تو وہ 14 سال سے دہلی ہائی کورٹ میں جج رہے ہیں۔ وہ 14 مئی 1960 کو پیدا ہوئے۔ انہوں نے دہلی یونیورسٹی کے کیمپس لاء سینٹر سے قانون کی تعلیم حاصل کی۔ گریجویشن کے بعد، انہوں نے 1983 میں دہلی بار کونسل میں بطور وکیل رجسٹریشن کرائی۔ انہیں 2019 میں سپریم کورٹ میں ترقی دی گئی۔
Chief Justice of India DY Chandrachud has formally proposed Justice Sanjiv Khanna as his successor. In a communication to the Union government, Chief Justice Chandrachud stated that since he is demitting office on November 11, Justice Khanna would be his successor.
Upon approval… pic.twitter.com/LgH8PqvDyr
— ANI (@ANI) October 17, 2024
سنجیو کھنہ کے سپریم کورٹ کے جج بننے کو لے کر تنازعہ تھا۔ 32 ججوں کو نظر انداز کرکے انہیں سپریم کورٹ کا جج بنانے پر کافی تنازعہ ہوا تھا۔ 10 جنوری 2019 کو، کالجیم نے جسٹس مہیشوری کو ان کی جگہ اور جسٹس کھنہ کو سینیارٹی میں 33 ویں نمبر پر ترقی دینے کا فیصلہ کیا۔ اس کی منظوری اس وقت کے صدر رام ناتھ کووند نے بھی دی تھی۔
بھارت ایکسپریس۔
