سنجے سنگھ نے اروندر سنگھ لولی کے الزامات سے متعلق جواب دیا ہے۔ (فائل فوٹو)
Sanjay Singh On Arvinder Singh Lovely: دہلی کانگریس صدرعہدے سے اروندرسنگھ لولی کے استعفیٰ نے اتوارکوقومی دارالحکومت کی سیاست میں سنسنی پھیلا دی ہے۔ لوک سبھا الیکشن میں انتخابی تشہیر کے درمیان ہوئے اس استعفیٰ سے متعلق عام آدمی پارٹی نے پیرکے روز کہا کہ یہ کانگریس کا اندرونی معاملہ ہے۔
قابل ذکرہے کہ اروندرسنگھ لولی نے اپنے استعفیٰ والے خط میں عام آدمی پارٹی سے الائنس کی مخالفت کی ہے۔ اس کو لے کرعام آدمی پارٹی کے رکن پارلیمنٹ سنجے سنگھ نے کہا کہ الائنس بنانے میں ان کا رول کافی اہم رہا تھا۔ سنجے سنگھ نے کہا، ”ان کا میں شکریہ ادا کرتا ہوں کہ دہلی میں انڈیا الائنس بنانے میں ان کا بڑا کردار رہا ہے۔ وزیراعلیٰ کی گرفتاری ہو رہی تھی تو کانگریس سے سب سے پہلے اروندرسنگھ لولی ہی پہنچے تھے، اب کس لئے وہ ایسا بول رہے ہیں وہ جانیں۔”
#WATCH | Delhi: On the resignation of Arvinder Singh Lovely as Delhi Congress President, AAP leader Sanjay Singh says, “Arvinder Singh Lovely has played an important role in making an alliance with Aam Aadmi Party. He has played a big role in forming the INDIA alliance in Delhi.… pic.twitter.com/AjwJNmtY1s
— ANI (@ANI) April 29, 2024
دہلی کانگریس صدر کے استعفیٰ اور اس کے بعد کی سرگرمیوں پرسنجے سنگھ نے کہا، ”یہ کانگریس کا اندرونی معاملہ ہے، وہ لوگ اس کا نوٹس لے رہے ہوں گے… ہمیں انتظار کرنا چاہئے۔ یہ الیکشن عوام لڑ رہی ہے، دہلی میں بھی اور ملک میں بھی۔ لوگ من بنا چکے ہیں کہ جیل کا جواب ووٹ سے دیں گے۔”
اروندر سنگھ لولی نے کیا کہا؟
کانگریس صدرملیکا ارجن کھڑگے کو ہفتہ کو بھیجے گئے استعفیٰ نامہ میں اروندرسنگھ لولی نے کہا، ”کانگریس کی دہلی یونٹ عام آدمی پارٹی سے الائنس کے خلاف تھی، لیکن پارٹی اعلیٰ کمان نے الائنس کو منظوری دے دی۔”
قابل ذکرہے کہ شیلا دکشت کی سرکار میں وزیر رہے اروندرسنگھ لولی کو گزشتہ سال اگست میں دہلی کانگریس کا صدر نامزد کیا گیا تھا۔ وہ 2013 سے 2015 تک بھی یہ ذمہ داری انجام دے چکے ہیں۔ حالانکہ بیچ میں وہ بی جے پی میں چلے گئے تھے، لیکن کچھ دنوں کے بعد وہ کانگریس میں واپس آگئے تھے۔
بھارت ایکسپریس۔
