نئی دہلی: انڈیا الائنس پرشیو سینا (یوبی ٹی) کے راجیہ سبھا رکن سنجے راوت نے بڑا بیان دیا ہے۔ انہوں نے تمل ناڈوکا بھی ذکرکیا۔ انہوں نے بتایا کہ انڈیا الائنس کی 8 جون کودہلی میں ایک اہم میٹنگ ہے۔ کانگریس لیڈرکے سی وینوگوپال نے اس بارے میں ادھو ٹھاکرے سے فون پربات چیت کی ہے۔ ہم سوچیں گے کہ کیا کرنا ہے۔ مہاراشٹرمیں بھی اس باربہت کام ہے۔
‘وجے کے طورپرنیا ساتھی ملا’: سنجے راوت
ڈی ایم کے سے متعلق سوال پرسنجے راوت نے کہا، “جب تمل ناڈومیں الیکشن ہوا، نتیجے آگئے اوروہاں جوتبدیلی ہوئی اورکانگریس ٹی وی کے کے ساتھ اقتدارمیں شامل ہوگئی۔ اسی دن ڈی ایم کے نے انڈیا لائنس سے اپنا ناطہ توڑلیا۔ مجھے نہیں لگتا کہ ڈی ایم کے کے لوگ اس میٹنگ میں آئیں گے۔ تاہم اب تمل ناڈو میں انڈیا بلاک کوایک نیا ساتھی تھلاپتی وجے وزیراعلیٰ کے طورپر ملا ہے، تواب ان کے بارے میں تبادلہ خیال ہوگا۔”
انڈیا الائنس میں انتشارکی خبروں سے انکار
کیا انڈیا الائنس میں پھوٹ پڑگئی ہے، اس سوال کے جواب میں انہوں نے کہا، “مجھے نہیں لگتا کہ پھوٹ پڑی ہے۔ ڈی ایم کے کوصبرسے کام لینا چاہئے تھا۔ جس طرح سے تمل ناڈومیں صورتحال میں تبدیلی آئی، کانگریس کے سامنے کوئی دوسرا متبادل نہیں تھا۔” کل ملاکرسنجے راوت نے تمل ناڈو میں ٹی وی کے کے ساتھ کانگریس کے اتحاد کے فیصلے کو صحیح ٹھہرایا ہے۔
کانگریس کی وجہ سے انڈیا الائنس کی میٹنگ میں نہیں ہوں گے شامل: ڈی ایم کے
دراصل، ڈی ایم کے نے جمعرات (4 جون) کوکہا کہ وہ 8 جون کودہلی میں ہونے والی انڈیا الائنس کی میٹنگ میں حصہ نہیں لے گی کیونکہ کانگریس پارٹی اس میں حصہ لے رہی ہے۔ ڈی ایم کے کا یہ فیصلہ کانگریس پارٹی کے خلاف اس کے سخت رخ کوظاہرکرتا ہے، جوقومی پارٹی کے ذریعہ تمل ناڈواسمبلی الیکشن جیتنے والی ٹی وی کے کے ساتھ ہاتھ ملانے کے بعد سے جاری ہے۔ ڈی ایم کے نے کہا کہ وہ اپنے کارکنان کے جذبات کا احترام کرنے کے لئے میٹنگ میں شرکت نہیں کرے گی، جوکانگریس پارٹی کی دھوکہ دہی سے مجروح ہوئے ہیں۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
