سماجوادی پارٹی کے رکن پارلیمنٹ ایس ٹی حسن (فائل فوٹو- تصویر: اے این آئی)
Parliament Session 2023: سماجوادی پارٹی کے مرادآباد سے لوک سبھا رکن پارلیمنٹ ایس ٹی حسن نے رمضان سے متعلق ایک بڑا مطالبہ کیا ہے۔ انہوں نے کہا ہے کہ آج اگر نوراترپر چھٹی ہے تو کل رمضان پر بھی چھٹی ہونی چاہئے، جس سے مسلمانوں کو بھی لگے کہ حکومت ان کی بھی ہے اور مسلمان بھی اس ملک کے شہری ہیں۔ سماجوادی پارٹی کے رکن پارلیمنٹ ایس ٹی حسن نے یہ مطالبہ لوک سبھا میں رکھا ہے۔
ایس ٹی حسن نے بدھ کے روز پارلیمنٹ کی چھٹی پر کہا کہ صرف ایک مذہب کو خوش کرنے کی نیت سے یہ فیصلہ لیا گیا ہے۔ ایسا کرنا ٹھیک نہیں ہے۔ یہ حکومت صرف مذہبی جذبات پر سیاست کرکے ووٹ کے لئے سب کچھ کر رہی ہے۔ یوپی آج سے شروع ہورہے نوراتر پر پاٹھ اور رامائن سے متعلق کہا کہ رمضان کے لئے بھی کچھ ہو، صرف ایک مذہب کے لئے نہ ہو۔
پسماندہ مسلمانوں سے متعلق کہی یہ بڑی بات
ایس ٹی حسن نے کہا کہ بی جے پی مسلمانوں کو بھی تقسیم کرنے کا کام کر رہی ہے۔ پسماندہ مسلمان کوئی ہوتا ہی نہیں ہے، لیکن بی جے پی تقسیم کرنے کی کوشش کر رہی ہے۔ مسلمان تقسیم نہیں ہوگا، جوانہوں نے کیا ہے، چاہے شہریت ترمیمی قانون (سی اے اے) کی بات ہویا 370 کی بات ہو اورچاہے بات تین طلاق کی ہو۔ کتنا بھی اجلاس (سمیلن) کرلیں، مسلمان بی جے پی کے ساتھ نہیں جائے گا۔ کسان فصل بیمہ پر رکن پارلیمنٹ نے کہا کہ یہ مذاق کے علاوہ کچھ نہیں ہے، صرف بیمہ کمپنیوں کا فائدہ ہے اور یہ حکومت نے صرف جملہ بازی کی ہے۔
Delhi | Both houses (of Parliament) will not function due to some festivals. Earlier, it did not use to happen. Already the house proceedings could not take place. It might be possible that this decision was taken to make that community happy: Samajwadi Party MP ST Hasan (21.03) pic.twitter.com/7EmCeswTnB
— ANI (@ANI) March 21, 2023
سماجوادی پارٹی کے سینئر لیڈر ایس ٹی حسن نے گزشتہ دنوں یوپی میں زیادہ بارش کی وجہ سے ریاست میں کسانوں کی فصل کے نقصان ہونے پر بیان دیا ہے۔ ریاست میں گزشتہ تین دنوں سے بھاری بارش ہوئی ہے، کئی اضلاع میں ژالہ باری بھی ہوئی ہے۔ اس وجہ سے کسانوں کی فصل کو زبردست نقصان ہوا ہے۔ حالانکہ حکومت نے معاوضہ دینے کی بات کہی ہے۔ تاہم ایس ٹی حسن نے اسے مذاق بتایا ہے۔
-بھارت ایکسپریس
