Mukhtar Ansari Funeral: غازی پور ڈی ایم کی وارننگ، کہا- ’نعرے بازی کرنے والوں کے خلاف ہوگی کارروائی‘، رکن پارلیمنٹ افضال انصاری اور ڈی ایم میں زبانی بحث

Mukhtar Ansari Funeral: مئو کے سابق رکن اسمبلی مختار انصاری کو سخت سیکورٹی کے درمیان غازی پور ضلع کے ان کے آبائی گاؤں یوسف پور، محمد آباد کے کالی باغ قبرستان میں سپردخان کردیا گیا ہے۔ مختارانصاری کی نمازجنازہ میں بڑی تعداد میں لوگوں نے شرکت کی۔ ایسا لگ رہا تھا کہ نمازجنازہ میں عوامی سیلاب امنڈ آیا تھا۔ اس موقع پر کچھ  لوگوں نے نعرے بازی بھی کی۔ جس کے بعد اب ڈی ایم نے سخت رخ اپنایا ہے۔ غازی پور کے ڈی ایم نے کہا کہ ایسے لوگوں کی ویڈیو گرافی ہوئی ہے۔ ان کے خلاف قانون کے مطابق کارروائی کی جائے گی۔

غازی پور کی ڈی ایم آریکا اکھوری نے کہا کہ جن بھی لوگوں نے نعرے بازی کی ہے، ان سب کی ویڈیو گرافی کرائی گئی ہے اورسب کے خلاف کارروائی بھی کی جائے گی۔ کیونکہ ہم باربار اعلان بھی کر رہے تھے کہ ضابطہ اخلاق نافذ ہے تو اس کے مطابق سب کو عمل کرنا چاہئے، جس نے بھی خلاف ورزی کی ہے، اس کے خلاف قانون کے مطابق کارروائی کی جائے گی اورمقدمہ درج کرایا جائے گا۔

#WATCH मुहम्मदाबाद: गाज़ीपुर DM आर्यका अखौरी ने बताया, “…जिन भी लोगों ने नारेबाजी की है, उन सबकी वीडियोग्राफी कराई गई है और सबके विरुद्ध कार्रवाई भी करवाई जाएगी…” https://t.co/uM9R2s5DQo pic.twitter.com/8qXwxe9v58

— ANI_HindiNews (@AHindinews) March 30, 2024

ڈی ایم نے دی کارروائی کی وارننگ

مختارانصاری کے نمازجنازہ میں شامل ہونے آئے لوگوں نے اس دوران نعرے بازی کی تھی۔ کئی لوگ مختارانصاری زندہ آباد جیسے نعرے لگائے تھے، جس پرڈی ایم آریکا اکھوری نے کہا کہ نعرے بازی کرنے والوں کی ویڈیو گرافی کا جائزہ لیا جائے گا۔ جس جس نے نعرے بازی کی ہے، اس کی جانچ کی جائے اور اس کے مطابق کارروائی ہوگی۔

یہ بھی پڑھیں:  Mukhtar Ansari Death Updates: مختار انصاری کی نماز جنازہ میں عوامی سیلاب نے کی شرکت، کالی باغ قبرستان میں اہل خانہ نے کیا سپرد خاک

ڈی ایم اورایم پی افضال انصاری میں ہوئی بحث

مختارانصاری کی تدفین کئے جانے کے بعد رکن پارلیمنٹ افضال انصاری اورغازی پور کے ڈی ایم کے درمیان زبردست بحث بھی ہوئی ہے۔ ذرائع کے مطابق ضلع انتظامیہ چاہتا تھا کہ مختارانصاری کے آخری رسوم کا عمل جلد مکمل کیا جائے۔ جبکہ فیملی اس پرمتفق نہیں تھی۔ ایسے میں آخری رسوم کا عمل مکمل ہونے کے بعد اس موضوع پراختلاف کھل کرسامنے آگیا۔ وہاں غازی پورکے ڈی ایم اورافضال انصاری کے درمیان بحث ہوئی۔ اس سے پہلے مختارانصاری کے آبائی گاؤں سے صبح تقریباً 10 بجے نمازجنازہ ادا کی گئی، جس میں ان کے رکن پارلیمنٹ بھائی افضال انصاری، بیٹے عمرانصاری اوربھتیجے رکن اسمبلی صہیب انصاری سمیت فیملی کے اراکین اورحامی شامل رہے۔ مختارانصاری کی نمازجنازہ میں گاؤں کے تمام لوگوں سمیت آس پاس کے کئی اضلاع سے بھی لوگ آئے تھے۔