Modi Govt Removing Muslim IPS Officers From IB, RAW:Owaisi لوک سبھا ممبر پارلیمنٹ اور اے آئی ایم آئی ایم کے سربراہ اسد الدین اویسی نے بی جے پی کی قیادت والی مرکزی حکومت پر الزام لگایا ہے کہ وہ ملک کی اہم انٹیلی جنس ایجنسیوں جیسے انٹیلی جنس بیورو اور ریسرچ اینڈ اینالائسز ونگ (را) میں تقرریوں کے معاملے میں مسلمانوں کے خلاف متعصبانہ رویہ رکھتی ہے۔ ایک خبر کا حوالہ دیتے ہوئے، اویسی نے الزام لگایا کہ مرکزی حکومت مسلسل مسلمانوں سے وفاداری کا ثبوت مانگتی ہے، لیکن وہ انہیں کبھی بھی برابر کے شہری کے طور پر قبول نہیں کرتی۔اویسی نے کہا کہ کئی دہائیوں میں پہلی بار، انٹیلی جنس بیورو کی سینئر قیادت میں کوئی مسلمان افسر نہیں ہوگا۔ یہ اس شک کی عکاسی ہے جس کی نظر سے بی جے پی مسلمانوں کو دیکھتی ہے۔آئی بی اور راءخصوصی اکثریتی ادارے بن چکے ہیں۔ آپ مسلمانوں سے وفاداری کا ثبوت مانگتے رہتے ہیں، لیکن انہیں کبھی بھی برابر کا شہری تسلیم نہیں کرتے۔
For the first time in decades, there won’t be any Muslim officers in Intelligence Bureau’s senior leadership. It is a reflection of the suspicion with which BJP sees Muslims. IB & R&AW have become exclusive majoritarian institutions. You constantly demand proof of loyalty from… pic.twitter.com/LtB5TjIDN7
— Asaduddin Owaisi (@asadowaisi) July 23, 2023
اویسی نے جو رپورٹ شیئر کی ہے وہ ایشین ایج اخبار کی ہے جس میں کہا گیا ہے کہ آئی بی میں کئی دہائیوں کے بعد کسی اہم عہدے پر کوئی سینئر مسلم آئی پی ایس افسر نہیں ہوگا۔ رپورٹ میں کہا گیا ہے کہ آخری سینئر مسلم آئی پی ایس افسر ایس اے رضوی، جو اسپیشل ڈائریکٹر کے عہدے پر فائز تھے، کو مشیر کے طور پر نیشنل ڈیزاسٹر منیجمنٹ اتھارٹی میں ٹرانسفر کیا گیا تھا۔یہ دیکھا گیا ہے کہ حالیہ برسوں میں آئی بی میں مسلم آئی پی ایس افسران کی تعداد میں نمایاں کمی آئی ہے۔ یہ سابقہ حکومتوں کے بالکل برعکس ہے جب ایک آصف ابراہیم آئی بی کے ڈائریکٹر کے عہدے تک پہنچ سکتا تھا یا رفیع العالم، ایک آسام کیڈر کا آئی پی ایس افسر، ایجنسی کے ساتھ اپنی ڈیپوٹیشن کے دوران اہم عہدوں پر فائز ہو سکتا تھا۔
بتادیں کہ شفیع احسن رضوی اتر پردیش کیڈر کے 1989 بیچ کے آئی پی ایس افسر ہیں۔ محکمہ پرسنل اینڈ ٹریننگ آرڈر کے مطابق اس تقرری کی منظوری وزارت داخلہ نے دی تھی۔ “کابینہ کی تقرریوں کی کمیٹی نے شفیع احسن رضوی کے موجودہ مدت کار میں کٹوتی کے لیے وزارت داخلہ کی تجویز کی منظوری دے دی ہے۔رضوی کو رواں سال جون میں ایڈیشنل ڈائریکٹر کے عہدے سے خصوصی ڈائریکٹر مقرر کیا گیا تھا۔
بھارت ایکسپریس۔
