نئی دہلی: جموں وکشمیرکی سابق وزیراعلیٰ اورپی ڈی پی سربراہ محبوبہ مفتی کاکروچ جنتا پارٹی (سی جے پی) کے احتجاج کی حمایت میں جمعرات (23 جولائی) کو دہلی کے جنترمنترپہنچیں۔ اس دوران انہوں نے نیٹ پیپرلیک اوردہلی میں احتجاج کررہے طلبا پر پولیس کارروائی سے متعلق مرکزکی این ڈی اے حکومت پرسخت حملہ بولا ہے۔ پی ڈی پی سربراہ نے کہا کہ جس طرح سے جموں وکشمیرکوانہوں نے کھلی جیل بنایا ہے، پورے ملک کو یہ کھلی جیل بنا دیں گے۔ حکومت بہت مغرورہوگئی ہے۔ اب اگرتبدیلی لائیں گے تو یہی نوجوان لائیں گے۔
جموں وکشمیرکی سابق وزیراعلیٰ محبوبہ مفتی نے کہا، ’’پورے ملک کا 1947 سے لے کرآج تک سب سے بڑا امتحان ہو رہا ہے اور اس میں یہاں کے نوجوان شامل ہوگئے ہیں۔ گزشتہ 12 سالوں میں ہم ملک کو کبھی تقسیم ہوتا ہوا تو کبھی کٹتا ہوا دیکھ رہے ہیں۔ کبھی چندہ چوری تو کبھی پیپرلیک، کبھی آبروریزی (ریپ)، آج ہمارے ملک میں بچیوں سے زیادہ محفوظ گائیں ہیں۔‘‘
اگرآئین کو بچائیں گے تو یہی نوجوان بچائیں گے: محبوبہ مفتی
محبوبہ مفتی نے مزید کہا، ’’جومیں دیکھ رہی ہوں کہ اتنی گرمی میں یہ نوجوان یہاں پورے جوش کے ساتھ آرہے ہیں۔ اس کے اوپر ہماری عدلیہ کہتی ہے کہ ہمارے پاس وقت نہیں ہے۔ اگر آج یہ لوگ ظلم کے خلاف کھڑے نہیں ہوں گے تو مجھے لگتا ہے کہ ہمارے ملک کی حالت 1947 سے پہلے سے بھی بدترہوجائیں گے۔ اگر تبدیلی لائیں گے تو یہی لوگ لائیں گے۔ اگرآئین کو بچائیں گے تو یہی لوگ بچائیں گے۔
VIDEO | Delhi: “Cows better protected than girls these days; entire nation will turn into ‘open jail’ like J&K if Constitution not safeguarded”, says PDP Chief Mehbooba Mufti (@MehboobaMufti).
(Full video available on PTI Videos – https://t.co/n147TvrpG7) pic.twitter.com/xUkPUrXt8j
— Press Trust of India (@PTI_News) July 23, 2026
ہم پڑوسی ملکوں کی طرح اپنے ملک میں نہیں چاہتے: پی ڈی پی چیف
انہوں نے یہ بھی کہا کہ اگرآج آئین نہیں بچے گا تو مجھے لگتا ہے کہ جوجموں وکشمیرکے حالات ہیں، جو جموں وکشمیرکوانہوں نے کھلا جیل بنایا ہے، پورے ملک کو یہ کھلا جیل بنا دیں گے۔ انہوں نے کہا، ’’سب سے بڑی طاقت نوجوانوں کی طاقت ہوتی ہے۔ ہم نہیں چاہتے ہیں کہ ہمارے ملک کے اندروہ ہوجو ہمارے آس پاس ہوا۔ ایک وزیرکوڈراپ نہیں کرپا رہے ہیں۔ اتنا غرور ہے۔ اتنے سارے بچے دھوپ میں، بھوکے پیاسے یہاں جمع ہیں۔ یہ تکبر زیادہ دیر تک نہیں رکے گا، یہ چورچورہوجائے گا۔‘‘
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
