کرناٹک کے سابق وزیر اعلیٰ جگدیش شیٹار کے بی جے پی میں واپس جانے کی بات سامنے آئی ہے۔ (تصویر: اے این آئی)
Jagadish Shettar: کرناٹک میں آئندہ اسمبلی انتخابات سے قبل بی جے پی کوایک اوربڑا جھٹکا لگا ہے۔ ٹکٹ نہ ملنے کے سبب کرناٹک کے سابق وزیراعلیٰ جگدیش شیٹارنے بی جے پی سے استعفیٰ دے کرکانگریس میں شمولیت اختیارکرلی ہے۔ اتوار(16 اپریل) کوانہوں نے بی جے پی سے اپنا استعفیٰ دے دیا تھا۔ لنگایت سماج سے آنے والے جگدیش شیٹاراتوارکی رات کانگریس لیڈران سے ملاقات کی تھی۔
کانگریس صدرملیکا ارجن کھڑگے سمیت کئی لیڈران موجود رہے۔ پارٹی میں شمولیت کے بعد انہوں نے کہا کہ ایک سینئرلیڈرکے طورپرمیری توہین کو کوئی سمجھ نہیں پایا۔ میں نے بی جے پی پارٹی بنائی، بی جے پی نے مجھے عزت، عہدہ اور قد دیا ہے۔ میں نے بھی پارٹی کو بناکر وہ سب لوٹایا ہے۔ میں ہببالی-دھارواڑ سے چھٹی بار 25-20 ہزار ووٹوں سے جیتا ہوں۔ میں اب وہاں 7ویں بار جا رہا ہوں۔
#WATCH | Newly inducted Congress leader Jagadish Shettar leaves from Congress office in Bengaluru after joining the party
“Former CM, former Dy CM & others including many MPs unconditionally want to join Congress, I welcome all of them,” says KPCC president DK Shivakumar pic.twitter.com/EMPkeHu58I
— ANI (@ANI) April 17, 2023
وہیں کانگریس جنرل سکریٹری (کرناٹک انچارج) رندیپ سرجے والا، سابق وزیراعلیٰ سدارمیا، ریاستی صدر ڈی کے شیو کمار نے بنگلورو میں جگدیش شیٹار سے ملاقات کی تھی۔ شیٹار اتوارکے روز ایک خصوصی ہیلی کاپٹر میں ہبلی سے بنگلور آئے تھے اور کانگریس لیڈران کے ساتھ تبادلہ خیال کیا تھا۔
Karnataka Congress president DK Shivakumar gives the ‘B’ form to Jagadish Shettar, ahead of his nomination filing for #KarnatakaElections2023
The former Karnataka CM joined Congress today, a day after he quit the BJP. pic.twitter.com/9FBPMmWM2f
— ANI (@ANI) April 17, 2023
حالانکہ اس سے ایک دن پہلے ہی انہوں نے وزیراعلیٰ بسوراج بومئی کے ساتھ ہی مرکزی وزیرپرہلاد جوشی اوردھرمیندر پردھان کے ساتھ بات چیت کی تھی، لیکن یہ میٹنگ ناکام ہونے کے بعد 6 بارکے رکن اسمبلی نے اتوارکو رکن اسمبلی کے عہدے سے استعفیٰ دے دیا تھا۔ ریاست میں 10 مئی کو ہونے والے الیکشن کے لئے بی جے پی کے ذریعہ ان کی امیدواری پرکوئی فیصلہ نہیں کئے جانے سے جگدیش شیٹارناراض تھے۔ شیٹار نے الزام لگایا کہ انہیں بی جے پی کا ٹکٹ نہیں دے کر توہین کی گئی ہے۔
یہ بھی پڑھیں: Karnataka Election 2023: کرناٹک الیکشن میں بی جے پی کو ایک اور بڑا جھٹکا، سابق سی ایم جگدیش شیٹر نے چھوڑی پارٹی
میرے خلاف سازش کی گئی: جگدیش شیٹار
جگدیش شیٹار نے کہا تھا کہ میں نے اسمبلی کی رکنیت سے استعفیٰ دینے کا فیصلہ کیا ہے۔ میں نے سرسی میں موجود اسپکر وشویشور ہیگڑے سے ملنے کا وقت مانگا ہے اور اپنا استعفیٰ دے دیا ہے۔ بھاری دل سے میں پارٹی سے استعفیٰ دے رہا ہوں۔ میں وہ ہوں، جس نے اس پارٹی کو بنایا اور کھڑا کیا ہے۔ تاہم انہوں نے (پارٹی کے کچھ لیڈران) نے میرے لئے پارٹی سے استعفیٰ دینے کی صورتحال پیدا کی۔
