جموں وکشمیر کے وزیر اعلیٰ عمر عبداللہ۔ (فائل فوٹو)
جموں وکشمیرکے وزیراعلیٰ عمرعبداللہ بدلے بدلے ہوئے نظرآرہے ہیں۔ وہ بغیرنام لئے بی جے پی سے لے کرلیفٹینںٹ گورنرمنوج سنہا کو نشانے پرلے رہے ہیں۔ اس کی بڑی وجہ 13 جولائی کو وادی میں شہید دیوس پرپابندی مانی جا رہی ہے۔ وزیراعلیٰ عمرعبداللہ کا الزام ہے کہ 13 جولائی کوانتظامیہ نے شہیدوں کے قبرپرجانے سے روک دیا۔
نیوزایجنسی اے این آئی کے مطابق، عمرعبداللہ اگلے دن یعنی پیرکے روز(14 جولائی) کو وہ بغیربتائے نقش بند صاحب قبرستان میں خراج عقیدت پیش کرنے کے لئے روانہ ہوگئے۔ راستے میں انہیں روکنے کی کوشش کی گئی، لیکن نہیں رکے۔ وہ قبرستان کا دروازہ چھلانگ لگاکر اندرداخل ہوئے اورفاتحہ پڑھی۔ اس دوران انہوں نے پولیس اہلکاروں پر ہاتھا پائی کرنے کے الزام لگائے۔
ہم کسی کے غلام نہیں: عمرعبداللہ
اسی حادثہ سے عمرعبداللہ کافی ناراض ہیں۔ انہوں نے کہا کہ ہم کسی کے غلام نہیں ہیں۔ وزیراعلیٰ نے منگل (15 جولائی) کو کہا، ”ہماری شرافت کو ہماری کمزوری مت سمجھئے… میں یہ کہنا چاہتا ہوں۔ ہم جموں وکشمیرکے لوگوں کے ارادوں اوران کے خوابوں سے سمجھوتہ نہیں کریں گے۔ ہم یہاں کسی کے احساس سے نہیں بیٹھے ہیں۔‘‘
جموں وکشمیر کے لوگوں کی ہم حفاظت کریں گے: وزیراعلیٰ
بونس اینڈ جائنٹس اسپتال میں ایک تقریب کو خطاب کرتے ہوئے عمرعبداللہ نے کہا، ”8 سال ان لوگوں نے حکومتیں کی، احسان کی بنیاد پر بیٹھے رہے۔ یہاں ہم پراحسان ہے تو سب سے پہلے اللہ کا ہے، پھریہاں کے لوگوں کا ہے اورکسی کا احسان نہیں ہے۔ کہیں نہ کہیں کچھ لوگوں کوغلط فہمی ہوگئی ہے، ہم اونچی آوازمیں بات نہیں کرتے، ہم دھمکیاں نہیں دیتے، ہم غنڈہ گردی نہیں کرتے توہم کمزور ہیں۔ ہم کمزورنہیں ہیں جناب! ہمیں لوگوں نے یہاں بٹھایا ہے، ہم یہاں کے لوگوں کی حفاظت کریں گے۔‘‘
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
