80ویں یومِ آزادی کے موقع پر قوم سے خطاب کرتے ہوئے صدر مرمو نے کہا کہ دنیا کے سب سے بڑے مالی شمولیت کے پروگرام ’پردھان منتری جن دھن یوجنا‘ کے تحت تقریباً 59 کروڑ کھاتہ دار بینکاری نظام سے منسلک ہو چکے ہیں۔ ان میں 32 کروڑ سے زائد خواتین کھاتہ دار شامل ہیں۔ صدر نے مزید کہا کہ 80 کروڑ سے زائد افراد کو مفت راشن فراہم کرکے غذائی تحفظ کو یقینی بنایا گیا ہے۔انہوں نے کہا کہ دنیا کے کئی حصوں میں جنگ اور عدم استحکام کے باوجود بھارتی معیشت کی ترقی کی رفتار عالمی اوسط شرحِ نمو سے دوگنی سے بھی زیادہ رہنے کا اندازہ ہے۔
ہماری معیشت دنیا کی سب سے تیزی سے ترقی کرنے والی بڑی معیشت
صدر مرمو نے کہا کہ ’’ایسے چیلنجنگ حالات کے باوجود ہماری معیشت دنیا کی سب سے تیزی سے ترقی کرنے والی بڑی معیشت کے طور پر آگے بڑھ رہی ہے۔‘‘انہوں نے مزید کہا کہ ’آیوشمان بھارت پردھان منتری جن آروگیہ یوجنا‘ کے تحت 60 کروڑ افراد کو ہر سال 5 لاکھ روپے تک کی مفت طبی سہولت فراہم کی گئی ہے۔ کسان سمان ندھی اور کسان کریڈٹ کارڈ نے زراعت، ڈیری، پولٹری، ماہی گیری اور شہد کی مکھیوں کی پرورش جیسی سرگرمیوں سے وابستہ کسانوں کو مدد فراہم کی ہے۔
بھارت نے دنیا کا سب سے بڑا اور بہترین ڈیجیٹل بنیادی ڈھانچہ تیار کیا
صدر مرمو نے کہا کہ بھارت نے دنیا کا سب سے بڑا اور بہترین ڈیجیٹل بنیادی ڈھانچہ تیار کیا ہے۔ اب چھوٹی دیہی دکانوں اور ریڑھی پٹری والوں کے درمیان بھی ڈیجیٹل ادائیگی عام ہو چکی ہے۔ دنیا میں ہونے والے ریئل ٹائم ڈیجیٹل لین دین میں نصف سے زیادہ بھارت میں ہوتے ہیں۔انہوں نے کہا کہ بھارت کے عوام اور حکومت نے مل کر عالمی برادری کے سامنے ڈیجیٹل انقلاب کی ایک مثال پیش کی ہے۔ ٹیکنالوجی کے استعمال سے حکومت نے فلاحی اسکیموں کے فوائد شفاف طریقے سے عوام تک پہنچائے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
