سنبھل جامع مسجد کمیٹی کے صدر ظفر علی کی رہائی کے بعد پھولوں سے استقبال کیا گیا۔
سنبھل کی شاہی جامع مسجد انتظامیہ کمیٹی کے صدرظفرعلی کی جیل سے رہائی پرجلوس نکال کرجشن منانے پرظفرعلی اوردیگرکئی لوگوں کے خلاف مقدمہ درج کیا گیا ہے۔ منگل کی دیررات ضلع پولیس کی طرف سے جاری بیان کے مطابق، سنبھل کوتوالی میں سب انسپکٹرآشیش تومرکی شکایت پرشاہی جامع مسجد انتظامیہ کمیٹی کے صدر ظفرعلی کے ساتھ ساتھ سرفراز، طاہراورحیدرنامی افراد اور50-60 نامعلوم افراد کے خلاف سی او163 کے امتناعی سیکورٹی آرڈرکی خلاف ورزی کرنے پرمقدمہ درج کیا گیا ہے۔
جلوس کی ویڈیو منظرعام پرآنے کے بعد کارروائی
ظفرعلی گزشتہ سال جامع مسجد کے سروے کے دوران ہوئے تشدد کیس کا ملزم ہے۔ اس معاملے میں انہیں یکم اگست کومرادآباد جیل سے رہا کیا گیا تھا۔ ان کی رہائی کے بعد مرادآباد سے سنبھل تک تقریباً 40 کلومیٹرکا روڈ شونکالا گیا۔ راستے میں کئی مقامات پران کے قافلے پر پھولوں کی پتیاں نچھاورکی گئیں اوراستقبالیہ پروگرام منعقد کئے گئے۔ جلوس کی ویڈیوسوشل میڈیا پرمنظرعام پرآنے کے بعد پولیس نے از خود نوٹس لیتے ہوئے یہ کارروائی کی۔
کیوں ہوئی تھی گرفتاری؟
آپ کوبتا دیں کہ ظفرعلی پر24 نومبر2024 کوسنبھل کی جامع مسجد سروے کے دوران ہوئے فساد میں ایک سنگین جرم میں سازش اورجھوٹا بیان دینے کا الزام تھا، اس معاملے میں انہیں 23 مارچ کوگرفتارکرکے مراد آباد جیل بھیج دیا گیا تھا۔ یکم اگست کورہائی کے بعد، انہوں نے مرادآباد سے سنبھل تک ایک قافلے کے ساتھ سفرکیا۔ اس دوران کئی مقامات پرآتش بازی اورنعرے بازی کی گئی، جسے پولیس نے امن وامان کے لیے خطرہ سمجھتے ہوئے مقدمہ درج کرلیا۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
