پرجول ریونا
کرناٹک کے سابق وزیرایچ ڈی ریونّا اوران کے بیٹے پرجّول ریونّا کے خلاف ایک خاتون نے جنسی استحصال کا معاملہ درج کرایا ہے۔ خاتون ریونّا فیملی کے گھرمیں کُک کا کام کرتی تھی۔ متاثرہ خان نے الزام لگایا ہے کہ اس نے جب ایچ ڈی ریونّا کے گھر کُک کا کام شروع کیا تھا، اس کے کچھ ماہ بعد ہی وہ اس کا جنسی استحصال کرنے لگے تھے۔ اس کے علاوہ ان کے بیٹے پرجّول ریونّا اس کی بیٹی کو ویڈیو کال کرکے فحش باتیں کرتے تھے۔
ہاسن سے رکن پارلیمنٹ ہیں پرجّول ریونّا
واضح رہے کہ ایچ ڈی ریونّا سابق وزیراعظم اورجنتا دل (سیکولر) سربراہ ایچ ڈی دیو گوڑا کے بیٹے ہیں۔ وہیں پرجّول ریونّا ہاس سے موجودہ رکن پارلیمنٹ ہیں۔ 33 سالہ پرجّول ہاسن لوک سبھا علاقے سے نیشنل ڈیموکریٹک الائنس (این ڈی اے) کے امیدوارہیں، جہاں 26 اپریل کو ووٹنگ ہوئی تھی۔ ریونّا کے گھرکُک کا کام کرنے والی خاتون کی شکایت کی بنیاد پرضلع کے ہولین راسی پور پولیس تھانے میں معاملہ درج کیا گیا ہے۔
خاتون کُک نے لگایا الزام
متاثرہ نے کہا کہ وہ ریونّا کی اہلیہ بھوانی کی رشتہ دارہیں۔ متاثرہ نے الزام لگایا کہ کام شروع کرنے کے چار ماہ بعد ریونّا ان کا جنسی استحصال کرنے لگے جبکہ پرجّول ریونّا ان کی بیٹی کو ویڈیو کال کرکے فحش باتیں کرتے تھے۔ متاثرہ نے یہ بھی الزام لگایا کہ ان کے ساتھ ساتھ ان کی فیملی کے دیگراراکین کی جان کو بھی خطرہ ہے۔
ایس آئی ٹی کرے گی معاملے کی جانچ
کرناٹک حکومت نے خواتین کمیشن کی چیئرپرسن ڈاکٹر ناگ لکشمی چودھری کے ذریعہ حکومت کو لکھے گئے خط کے بعد پرجّول ریونّا سے متعلق ایک مبینہ سیکس اسکینڈل کی جانچ کے لئے ایس آئی ٹی کی تشکیل کی ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
