![](https://urdu.bharatexpress.com/wp-content/uploads/2024/07/C-60-Commandos.jpg)
علامتی تصویر
مہاراشٹر-چھتیس گڑھ سرحد پربدھ کونکسلائٹس اورمہاراشٹرپولس کے سی-60 کمانڈوزکے درمیان تصادم ہوا۔ اس میں مہاراشٹرپولیس کو بڑی کامیابی ملی ہے۔ سی-60 کمانڈوزنے 12 نکسلیوں کوہلاک کیا ہے۔ دوپولیس اہلکارزخمی بھی ہوئے ہیں۔ انہیں علاج کے لئے ناگپورکے اسپتال میں داخل کرایا گیا ہے۔
مہاراشٹرپولس کے سی-60 کمانڈوزاورنکسلائٹس کے درمیان یہ مقابلہ مہاراشٹر-چھتیس گڑھ سرحد پرونڈولی گاؤں میں ہوا، جوتقریباً 6 گھنٹے تک جاری رہا۔ نکسلائٹس کے خلاف مہاراشٹر پولس کا یہ آپریشن صبح تقریباً 10 بجے شروع ہوا۔ اس میں مارے گئے نکسلیوں میں سے ایک کی شناخت ڈی وی سی ایم لکشمن عرف وشال اترم کے طور پرہوئی ہے۔
نکسلیوں سے بھاری مقدار میں ہتھیار برآمد
مارے گئے نکسلیوں کے پاس سے بھاری مقدارمیں ہتھیاراوردیگرمواد برآمد ہوا ہے۔ اس میں تین اے کے-47، تین آئی این ایس اے ایس رائفلیں، ایک کاربائن اور ایک ایس ایل آر(سیلف لوڈنگ رائفل) ہے۔ بتایا جا رہا ہے کہ بدھ کی صبح پولس کو علاقے میں نکسلیوں کی موجودگی کی اطلاع ملی تھی۔ اس پرگڑھ چرولی سے آپریشن شروع کیا گیا۔
صبح 10 بجے سے شام 6 بجے تک جاری رہا آپریشن
ڈپٹی ایس پی نے آپریشن کی قیادت کی۔ ان کی قیادت میں سی-60 ٹیموں کی 7 ٹیمیں چھتیس گڑھ سرحد کے قریب ونڈولی گاؤں بھیجی گئیں۔ فوجیوں اور نکسلیوں کے درمیان دوپہر میں شدید فائرنگ شروع ہو گئی۔ رات گئے تک فائرنگ کا سلسلہ 6 گھنٹے سے زائد جاری رہا۔ اس کے بعد فوجیوں نے علاقے میں سرچ آپریشن شروع کیا۔ اب تک 12 نکسلیوں کی لاشیں برآمد ہوئی ہیں۔ مارے گئے نکسلیوں کی شناخت کی جا رہی ہے۔
بھارت ایکسپریس-