Delhi Liquor Scam Case: دہلی شراب بدعنوانی معاملہ میں نائب وزیراعلیٰ منیش سسودیا کو سی بی آئی نے پھر جاری کیا سمن، پوچھ گچھ کے لئے بلایا گیا

Delhi Liquor Scam Case: دہلی کے نائب وزیراعلیٰ منیش سسودیا کو سی بی آئی نے ایک بار پھرسمن جاری کیا ہے۔ ہفتہ کے روزمنیش سسودیا نے ٹوئٹ کیا کہ انہیں سی بی آئی نے اتوارکے روز اپنے دفتربلایا ہے۔ یہ قومی دارالحکومت کے لئے شراب پالیسی اورعملدرآمد میں مبینہ بدعنوانی کے حوالے سے متعلق ہے۔

دہلی کے نائب وزیراعلیٰ منیش سسودیا نے ٹوئٹ کرکے بتایا کہ سی بی آئی نے انہیں کل پھربلایا ہے۔ انہوں نے کہا کہ میرے خلاف انہوں نے سی بی آئی، ای ڈی کی پوری طاقت لگا رکھی ہے۔ گھر پر ریڈ، بینک لاکر کی تلاشی، کہیں میرے خلاف کچھ نہیں ملا، میں نے دہلی کے بچوں کے لئے اچھی تعلیم کا انتظام کیا ہے۔ یہ اسے روکنا چاہتے ہیں۔ میں نے جانچ میں ہمیشہ تعاون کیا ہے اور کروں گا۔

सीबीआई ने कल फिर बुलाया है. मेरे ख़िलाफ़ इन्होंने CBI, ED की पूरी ताक़त लगा रखी है, घर पर रेड, बैंक लॉकर तलाशी, कहीं मेरे ख़िलाफ़ कुछ नहीं मिला
मैंने दिल्ली के बच्चों के लिए अच्छी शिक्षा का इंतज़ाम किया है। ये उसे रोकना चाहते हैं।
मैंने जाँच में हमेशा सहयोग किया है और करूँगा.

— Manish Sisodia (@msisodia) February 18, 2023

واضح رہے کہ سی بی آئی نے شراب پالیسی سے متعلق بدعنوانی معاملے میں گزشتہ سال اگست میں کیس درج کیا تھا۔ سی بی آئی نے اپنی ایف آئی آر میں دہلی کے نائب وزیراعلیٰ منیش سسودیا کو شراب پالیسی بدعنوانی معاملے میں اہم ملزم بنایا تھا۔ سی بی آئی نے ان کے خلاف آئی پی سی کی دفعہ 120-بی اور 477-اے کے تحت ایف آئی آر درج کی ہے۔

یہ بھی پڑھیں: Nikki Yadav Murder Case: نکی یادو قتل سانحہ میں بڑا انکشاف، ملزم ساحل گہلوت کی فیملی بھی تھی قتل کی سازش میں شامل، والد سمیت 5 افراد گرفتار

منیش سسودیا پرالزام ہے کہ انہوں نے شراب تاجروں کو مبینہ طور پر30 کروڑ روپئے کی چھوٹ دی تھی۔ اس کے ساتھ ہی لائسنس ہولڈروں کوان کی مرضی کے مطابق، اس کی توسیع کے لئے چھوٹ بھی دی گئی۔ اس معاملے میں منیش سسودیا کے علاوہ کچھ پرائیویٹ کمپنیوں سمیت 16 افراد کو ملزم بنایا گیا ہے۔ قابل ذکر ہے کہ دہلی کے وزیراعلیٰ اروند کیجریوال حکومت میں نائب وزیراعلیٰ منیش سسودیا کے پاس ایکسائز وزارت کا محکمہ بھی ہے۔