دہلی کے ایل جی کے ذریعہ ارون دھتی رائے کے خلاف مقدمہ چلانے کی اجازت پر زبانی جنگ چھڑ گئی ہے۔
Delhi LG Sanctions Prosecution Against Arundhati Roy: دہلی کے لیفٹیننٹ گورنر وی کے سکسینہ نے کشمیر پرتبصرہ کے لئے اروندھتی رائے، شیخ شوکت حسین کے خلاف مقدمہ چلانے کی منظوری دی ہے۔ معاملے میں میٹرو پولیٹن مجسٹریٹ، دہلی کی عدالت کے 27 نومبر، 2010 کے حکم کے تحت ایف آئی آر درج کی گئی تھی۔ لیفٹیننٹ گورنر نے کہا کہ اروندھتی رائے اور کشمیر سینٹرل یونیورسٹی میں انٹرنیشنل لاء کے سابق پروفیسر شیخ شوکت حسین کے خلاف دہلی میں منعقدہ تقریب میں عوامی تقاریر کے لئے جرم کرنے کا پہلی نظرمیں معاملہ بنتا ہے۔ آگے کہا گیا کہ تعزیرات ہند کی دفعہ 153 اے، 153 بی اور 505 کے تحت معاملہ بنتا ہے۔
تاہم، غداری کا مقدمہ بنائے جانے کے باوجود، آئی پی سی کی دفعہ 124 اے کے تحت منظوری نہیں دی گئی ہے، جیسا کہ سپریم کورٹ نے 5 مئی 2022 کوایک اورمقدمے میں ہدایت دی تھی کہ تمام زیرالتوا مقدمات، اپیلیں اورمقدمات آئی پی سی سیکشن 124 اے (بغاوت) کے تحت چارج فریم کے سلسلے میں کارروائی کو روکا جائے گا۔ اس کے بعد، سی جے آئی کی سربراہی میں تین ججوں کی بنچ نے 12 ستمبر 2023 کو کیس کو آئینی بنچ کے پاس بھیج دیا تھا۔
Delhi LG sanctions prosecution against Arundhati Roy, Sheikh Showkat Hussain for their remarks on Kashmir
Read @ANI Story | https://t.co/y0qXLop5KA#DelhiLG #VKSaxena #ArundhatiRoy #SheikhShowkatHussain pic.twitter.com/RqSfKN1iZ6
— ANI Digital (@ani_digital) October 10, 2023
دہلی پولیس نے سپریم کورٹ کے احکامات کے تحت کہا تھا کہ آئی پی سی کی دفعہ 124 اے کے تحت جرم کے لئے قانونی چارہ جوئی کی منظوری کی درخواست پرفی الحال کوئی فیصلہ نہیں کیا جاسکتا۔ اس کیس کے دو دیگرملزمان– کشمیری علیحدگی پسند رہنما سید علی شاہ گیلانی اوردہلی یونیورسٹی کے لیکچررسید عبدالرحمان گیلانی کیس کی سماعت کے دوران فوت ہوگئے ہیں۔
Delhi LG V K Saxena has sanctioned for prosecution of Arundhati roy for an FIR registered in 2010.
Arundhati Roy had said, “Kashmir is not an integral part of India, and it never was.”
Finally after 13 yrs. @khanumarfa pic.twitter.com/hIR5Mkx0Pj
— BALA (@erbmjha) October 10, 2023
کشمیرکے سماجی کارکن سشیل پنڈت نے سیاسی قیدیوں کی رہائی کے لئے کمیٹی (سی آرپی پی) کے بینرتلے منعقدہ اجلاس میں عوامی طور پرتقریرکرنے میں شامل مختلف اشخاص/مقررین کے خلاف، تلک مارگ کے پولیس اسٹیشن میں شکایت درج کرائی تھی۔ 21 اکتوبر2010 کو ایل ٹی جی آڈیٹوریم، کوپرنکس مارگ پر ”آزادی-واحد راستہ“ کے بینرتلے پروگرام منعقد کیا گیا تھا۔ شکایت کنندہ نے الزام لگایا تھا کہ زیربحث مسئلہ کشمیرکو ہندوستان سے علیحدہ کرنا تھا۔ یہ بھی الزام لگایا گیا کہ تقاریراشتعال انگیزنوعیت کی تھیں، جو عوام کی حفاظت اورامن کو خطرے میں ڈالنے والی تھیں۔
بھارت ایکسپریس۔
