دہلی اسمبلی انتخابات کے مدنظر عام آدمی پارٹی کے کنوینر اروند کجریوال نے آج ایک پریس کانفرنس میں ایک نئی اسکیم کا اعلان کیاہے۔ انہوں نے دہلی اسمبلی انتخابات سے پہلے پجاری اور گرنتھی سمان اسکیم کا اعلان کیا ہے۔کجریوال نے کہا کہ اس اسکیم کے تحت مندر کے پجاریوں اور گرودواروں کے گرنتھیوں کو ہر ماہ 18000 روپے کی رقم دی جائے گی۔ انہوں نے کہا کہ ملک میں پہلی بار ایسا ہو رہا ہے۔ اسکیم کے لیے رجسٹریشن کل سے شروع ہوگی۔ یہ اسکیم کل کناٹ پلیس سے شروع ہوگی۔ کل میں خود کناٹ پلیس میں ہنومان مندر جاکر رجسٹریشن شروع کروں گا۔اس کے بعد تمام اراکین اسمبلی اپنے اپنے حلقے میں گرنتھیوں کا رجسٹریشن کریں گے۔
#WATCH | Delhi: AAP National Convenor Arvind Kejriwal says “Under Pujari Granthi Samman Yojana, an honorarium will be given to the priests of temples and the ‘granthis’ of the Gurudwara every month. They will be given an honorarium of about Rs 18,000 per month…Registration for… pic.twitter.com/E5r3RqsfTv
— ANI (@ANI) December 30, 2024
کجریوال نے کہا کہ پجاری اور گرنتھی سماج کی خدمت کر تے ہیں۔ آج تک کسی نے اس کی طرف توجہ نہیں کی۔ اگر عام آدمی پارٹی حکومت بنتی ہے تو ہم پجاریوں اور گرنتھیوں کو 18000 روپے ماہانہ تنخواہ دیں گے۔انہوں نے کہا کہ میں کل کناٹ پلیس میں ہنومان مندر جاؤں گا اور پجاریوں کی رجسٹریشن کروں گا۔ میں بی جے پی سے درخواست کرتا ہوں کہ وہ پجاریوں اور گرنتھیوں کے رجسٹریشن میں کوئی رکاوٹ پیدا نہیں کرے۔ رجسٹریشن کے اس عمل کو مت روکیں۔ اگر بی جے پی اس اسکیم کو روکنے کی کوشش کرتی ہے تو وہ گناہ کرے گی۔اور گرنتھیوں کی بددعا لگے گی۔
आम आदमी पार्टी के जीतने पर दिल्ली में मंदिरों के पुजारियों और गुरुद्वारा साहिब के ग्रंथियों को ₹18,000 प्रति माह की सम्मान राशि दी जाएगी।
ये योजना समाज में उनके आध्यात्मिक योगदान और हमारी सांस्कृतिक धरोहर को संरक्षित रखने के उनके प्रयासों का सम्मान है।
BJP वालों इसे रोकने की… https://t.co/rJZcOxV8PR
— Arvind Kejriwal (@ArvindKejriwal) December 30, 2024
واضح رہے کہ دہلی میں وقف کے زیرانتظام مساجد کے اماموں کووقف کی آمدنی سے دہلی حکومت کی زیر نگرانی تنخواہ دی جاتی ہے، لیکن عالم یہ ہے کہ گزشتہ چھ ماہ سے انہیں تنخواہ نہیں ملی ہے۔ ایسے میں دہلی کے اماموں نے ایک دو بار نہیں بلکہ کئی مرتبہ دہلی کے وزیراعلیٰ رہے اروند کجریوال کی رہائش گاہ پر جاکر احتجاج کیا ہے اور اپنی تنخواہ واگزار کرانے کی اپیل کی ہے ،لیکن ابھی تک ان کی تنخواہ جاری نہیں کی گئی ہے۔ وہیں دہلی بی جے پی کی جانب سے کہا گیا ہے کہ یہ اعلان کرنے میں ماہر ہیں ،لیکن اس کو عملی جامہ پہنانے سے قاصر بھی ہیں، امام چھ ماہ سے اپنی تنخواہ کیلئے تڑپ رہے ہیں ،ان کو وقت پر تنخواہ نہیں دے رہے ہیں اور پجاریوں کیلئے اسکیم کا اعلان کررہے ہیں ،یہ سب دکھاوا ہے۔
بھارت ایکسپریس۔
