دہلی میں کانگریس لیڈر پون کھیڑا کے گھرپہنچی آسام پولیس، وزیراعلیٰ ہیمنت بسوا سرما کی بیوی پرلگائے تھے الزام

پون کھیڑا نے یہ الزامات 9 اپریل کوآسام میں ہونے والی ووٹنگ سے صرف چاردن قبل اتوارکونئی دہلی میں ایک پریس کانفرنس کے دوران لگائے۔ بعد میں اسی شام کانگریس پارٹی کی جانب سے گوہاٹی میں ایک پریس کانفرنس سے خطاب کرتے ہوئے انہوں نے وزیراعلیٰ سے تین سوالات پوچھے: کیا ان کی اہلیہ یا خاندان دبئی میں جائیداد کے مالک ہیں؟ کیا ان کی امریکہ کے وہ ویومنگ میں کمپنیوں کے مالک ہیں، یا سیل کمپنیوں میں ان کی سرمایہ کاری ہے۔

مسلم مخالفت پرمبنی ہے ہیمنتا کی سیاست: پون کھیڑا

پون کھیڑا نے سوال اٹھایا کہ کیا ہیمنتا بسوا سرما کے پاس بھی ایک سے زیادہ پاسپورٹ ہیں؟ کیا وہ آسام الیکشن ہارنے کے بعد کہیں بھاگنے کی تیاری میں ہیں؟ آسام کے سی ایم پرالزام لگاتے ہوئے، انہوں نے کہا، ”ہیمانتا بسوا سرما کی پوری سیاست مسلمانوں کے خلاف نفرت پرمبنی ہے، لیکن ان کی بیوی کے پاس دومسلم ممالک کے پاسپورٹ ہیں، کیسے؟ ہندوستانی قانون کے مطابق، آپ دوہری شہریت نہیں رکھ سکتے، تو کیا رنکی بھوئیاں سرما کے پاس بھی بھارتی پاسپورٹ ہے؟ کیا ملک کے وزیرداخلہ امت شاہ کواس بات کا علم تھا کہ ان کے گود لئے ہوئے بیٹے کی بیوی کے پاس تین پاسپورٹ ہیں؟ وزیرداخلہ امت شاہ کو جواب دینا چاہئے- کیا وہ ایس آئی ٹی کی تشکیل کریں گے اوراس معاملے کی تحقیقات کرائیں گے؟”