ٹرین ٹکٹ پر آپریشن سندور لکھے جانے اور وزیراعظم مودی کی تصویر لگانے پر کانگریس نے سوال اٹھایا ہے۔
کانگریس نے مودی حکومت پربڑا حملہ بولا ہے۔ سوشل میڈیا پلیٹ فارم ایکس پرایک پوسٹ میں کانگریس نے کہا کہ ٹرین کے ٹکٹ پر ’آپریشن سندور‘ اورنریندرمودی کی تصویرلگائی جا رہی ہے۔ ’آپریشن سندور‘ دہشت گردی کے خلاف ہندوستان کا زبردست جواب تھا۔ ہمارے جانبازفوجیوں کی بہادری اورشجاعت کی کہانی تھی، لیکن مودی حکومت ایسے حساس موضوع پربھی سیاست کرنے سے بازنہیں آرہی ہے۔ اس سے پہلے بھی نریندرمودی اپنی تصویرشائع کراچکے ہیں۔
کانگریس نے کہا کہ آپریشن سندوردہشت گردی کے خلاف ہندوستان کا پلٹ وارتھا، لیکن نریندرمودی کے لئے ایسے حساس حادثات بھی محض اپنی تشہیرکرنے کا ایک موقع ہوتا ہے۔ انڈین ریلوے کی ٹکٹوں پراب نریندرمودی کی تصویرپائی جاتی ہے۔ اس سے پہلے بھی چاہے کووڈ ویکسین سرٹیفکیٹ ہوں۔ کھاد کے بورے ہوں، اناج کے تھیلے ہوں یا بچوں کے اسکول بیگ، نریندرمودی کے لئے ہرچیزایک فوٹو-آپ ہے… شرمناک۔
قومی مفاد کے مسائل پرشرمناک سیاست کررہی ہے بی جے پی
ایک دیگرپوسٹ میں کانگریس لیڈرپون کھیڑا نے کہا کہ بی جے پی ملک کے موضوعات پراوچھی سیاست کررہی ہے۔ اس کے بعد بھی سوچتی ہے کہ اپوزیشن خاموش رہے گا اورملک کی سلامتی سے متعلق سوال نہیں پوچھے گا۔ ہم سوال پوچھتے رہیں گے اورنہیں پوچھیں گے توملک میں دہشت گردانہ حادثات ہوتے رہیں گے۔ تاریخ میں درج ہے کہ جب مرارجی دیسائی وزیراعظم تھے، تب انہوں نے جنرل ضیاء الحق کو فون کرکے کہا کہ ہمیں را والوں نے بتایا ہے کہ کاہوٹا میں نیوکلیئرپروجیکٹ سے متعلق پاکستان کی کیا تیاری چل رہی ہے؟
ट्रेन के टिकट पर ‘ऑपरेशन सिंदूर’ और नरेंद्र मोदी की फोटो छापी जा रही है।
‘ऑपरेशन सिंदूर’ – आतंक के खिलाफ भारत का करारा जवाब था। हमारे जांबाज सैनिकों के शौर्य और पराक्रम की गाथा थी।
लेकिन मोदी सरकार ऐसे संवेदनशील मुद्दे पर भी प्रचार करने से बाज नहीं आ रही।
इससे पहले भी नरेंद्र… pic.twitter.com/6LXtpGFKhc
— Congress (@INCIndia) May 19, 2025
آج بھی ملک مرارجی کے پاپ کی قیمت ادا کررہا ہے: کانگریس
اسی پوسٹ میں پون کھیڑا نے مزید کہا کہ انہوں نے تمام تفصیلات پاکستان کوبتا دیں۔ اس حادثات کے کچھ دن بعد ہی ہم نے را کے کئی لوگوں کوگنوا دیا اوران کی دہائیوں کی محنت برباد ہوگئی۔ آپ کو بتادیں کہ یہ جانکاری پاکستان کودینے والے مرارجی کو نشان پاکستان سے نوازا گیا۔ مرارجی دیسائی کے اس پاپ (گناہ) کی قیمت آج بھی ملک ادا کررہا ہے۔
ہمیں سندورسے سمجھوتہ منظورنہیں ہے، ہم سوال پوچھیں گے: پون کھیڑا
کانگریس ترجمان پون کھیڑا نے کہا کہ اسی طرح وزیرخارجہ ایس جے شنکرنے جوکیا وہ پاپ (گناہ) کے زمرے میں آتا ہے۔ ہمارے فوجیوں نے پاکستان کوگھٹنوں پرلادیا تھا، لیکن اچانک سے ڈونالڈ ٹرمپ آئے اورانہوں نے سیز فائر کرا دیا۔ ہمیں سندور سے معاہدہ منظور نہیں ہے۔ ملک سے غداری منظوری نہیں ہے۔ چاہے وہ کوئی بھی، کسی بھی عہدے پرہو، ہم سوال پوچھیں گے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
