وزیراعلیٰ اروند کیجریوال کو دہلی شراب پالیسی سے متعلق منی لانڈرنگ معاملے میں 28 مارچ تک انفورسمنٹ ڈائریکٹوریٹ (ای ڈی) کی حراست میں ہیں۔ اس درمیان وزیراعلیٰ کی اہلیہ سنیتا کیجریوال نے ای ڈی کی حراست میں لکھا اروند کیجریوال کا لکھا پیغام پڑھتے ہوئے کہا کہ میں نے بہت جدوجہد کی ہے۔ اس گرفتاری سے میں حیران نہیں ہوں۔ میری زندگی ہی جدوجہد ہے۔ انہوں نے یہ بھی کہا کہ کیجریوال لوہے کے بنے ہیں اوربہت مضبوط ہیں۔
وزیراعلیٰ اروند کیجریوال کی اہلیہ سنیتا کیجریوال نے آج ہفتہ کو اپنا ویڈیو بیان جاری کرتے ہوئے کہا، ”آپ کے بیٹے اورآپ کے بھائی کیجریوال (اروند) نے جیل سے آپ کے لئے ایک پیغام بھیجا ہے۔ انہوں نے کہا کہ میرے ملک کے باشندوں مجھے (اروند کیجریوال) کل گرفتارکرلیا گیا۔ میں اندررہوں یا باہر ہرلمحے ملک کی خدمت کرتا رہوں گا۔“
Delhi CM Arvind Kejriwal’s wife Sunita Kejriwal reads out the CM’s message from jail – “…I also appeal to all the workers of Aam Aadmi Party (AAP) that work of social welfare and public welfare should not stop with me going to jail. Don’t hate BJP people due to this. They are… https://t.co/DD37ClVsbn
— ANI (@ANI) March 23, 2024
انہوں نے مزید کہا، ”میری زندگی کا ہرلمحہ ملک کے لئے وقف ہے۔ میری زندگی جدوجہد کی رہی ہے، اس لئے مجھے یہ گرفتاری حیران نہیں کرتی۔ ہمیں مل کرملک کو دنیا کا سب سے طاقتورملک بنانا ہے۔ ہمارے ملک کے اندراورباہرکئی طاقتیں ہیں جو ہمارے ہندوستان کو کمزور کررہی ہیں۔ ہمیں ان طاقتوں کو ہرانا ہے۔ انہوں نے یہ بھی کہا، “کوئی جیل مجھے اندرنہیں رکھ سکتی، میں باہرآؤں گا اوراپنا وعدہ پورا کروں گا۔“
بھارت ایکسپریس۔
