آندھرا پردیش کی اس مسلم لیڈرکا بی جے پی پر آیا دل، جگن موہن ریڈی کی پارٹی چھوڑکربی جے پی میں شامل

آندھرا پردیش میں جگن موہن ریڈی کی پارٹی وائی ایس آرسی پی کوبڑا جھٹکا لگا ہے۔ ایم ایل سی اورآندھرا پردیش قانون سازکونسل کی ڈپٹی چیئرپرسن میانا ذکیہ خانم نے پارٹی نے استعفیٰ دے دیا ہے۔ ان کے اس قدم سے وائی ایس آرسی پی کے کئی لیڈران حیران ہیں۔ وہیں دوسری خاص بات یہ ہے کہ ذکیہ خانم نے بی جے پی کا دامن تھام لیا ہے۔

وزیراعظم مودی کی قیادت سے متاثرہوکرمیانا ذکیہ خانم نے بی جے پی میں شامل ہونے کا فیصلہ کیا۔ بی جے پی رکن پارلیمنٹ دگۤوباتی پورندیشوری نے کہا کہ ہم ذات اورمذہب سے اوپراٹھ کرسب کی ترقی کرتے ہیں اورحاشیے پرپڑے طبقات پرتوجہ مرکوزکرتے ہیں۔ میانا ذکیہ کا پارٹی میں شامل ہونا ایک بڑی تبدیلی کوظاہرکرتا ہے اورجامع قیادت کے تئیں ہمارے عزائم کومضبوط کرتا ہے، ساتھ ہی اقلیتوں کے درمیان پارٹی کے تئیں بڑھتے ہوئے بھروسے کا اشارہ دیتا ہے۔

బిజెపి రాష్ట్ర కార్యాలయంలో శాసనమండలి డిప్యూటీ ఛైర్మన్ శ్రీ మయానా జకీయా ఖానమ్ ను కాషాయ కండువాతో పార్టీలోకి ఆహ్వానించిన బిజెపి రాష్ట్ర అధ్యక్షురాలు, రాజమండ్రి ఎంపి శ్రీమతి @PurandeswariBJP మరియు పాల్గొన్న రాష్ట్ర మంత్రి శ్రీ @satyakumar_y, ఎమ్మెల్యే లు pic.twitter.com/32MGjvjU3m

— BJP ANDHRA PRADESH (@BJP4Andhra) May 14, 2025

ذکیہ خانم نے جگن موہن ریڈی کودیا بڑا جھٹکا

وائی ایس آرسی پی کے مقبول مسلم چہرے کے طورپردیکھی جانے والی میانا ذکیہ خانم ان ہائی پروفائل لیڈران کی فہرست میں شامل ہوگئی ہیں، جنہوں نے گزشتہ سال ایک ساتھ ہوئے لوک سبھا الیکشن 2024 اوراسمبلی الیکشن میں ملی ہارکے بعد پارٹی چھوڑی ہے، جہاں پارٹی بالترتیب چاراور 11 سیٹوں پرسمٹ گئی تھی۔