بہارکے وزیراعلیٰ نتیش کمار اور نائب وزیر اعلیٰ سمراٹ چودھری۔ (فائل فوٹو)
Bihar Special State Status: جنتا دل یونائیٹیڈ (جے ڈی یو) کے لیڈران مسلسل یہ مطالبہ کررہے تھے کہ بہارکوخصوصی ریاست کا درجہ ملے، لیکن مرکزی حکومت کی طرف سے بہار کے وزیراعلیٰ نتیش کمارکی پارٹی کوایک طرح سے فائنل جواب مل گیا ہے کہ یہ نہیں مل سکتا ہے۔ جھنجھارپورسے جے ڈی یوکے رکن پارلیمنٹ رام پریت منڈل کے سوال کے جواب میں وزیرمملکت برائے خزانہ پنکج چودھری نے لوک سبھا میں تحریری جواب میں کہا ہے کہ بہارکوخصوصی ریاست کا درجہ نہیں مل سکتا ہے۔
این ڈی سی کی طرف سے گزشتہ سالوں میں کچھ ریاستوں کو خصوصی ریاست کا درجہ ملا تھا، جن ریاستوں کو ملا وہ کئی پیرامیٹرزپرفٹ بیٹھتے تھے۔ رام پریت منڈل کودیئے گئے جواب میں خط کے ذریعہ اس کی وضاحت کی گئی ہے۔
The Special Category Status for plan assistance was granted in the past by the National Development Council (NDC) to some States that were characterized by a number of features necessitating special consideration.
The decision was taken based on an integrated consideration of… pic.twitter.com/PbPDiJjLyz
— ANI (@ANI) July 22, 2024
بی جے پی کا آیا بڑا بیان
دوسری جانب، خصوصی ریاست کا درجہ دیئے جانے کے مطالبہ پرنائب وزیراعلیٰ اوروزیرخزانہ سمراٹ چودھری نے پیر کے روز بڑا بیان دیا ہے۔ انہوں نے کہا کہ بہارکواقتصادی تعاون کی ضرورت ہے۔ ہم لوگوں نے وزیراعظم اوروزیرخزانہ سے گزارش کی ہے کہ بہارکوخصوصی اقتصادی مدد کی ضرورت ہے۔ وزیراعظم اوروزیرخزانہ اس پر فیصلہ لیں گے۔
سمراٹ چودھری نے کہا کہ وزیراعلیٰ کی بھی مسلسل گزارش رہی ہے کہ ہم کو بہار میں اضافہ مدد کی ضرورت ہے۔ اسپیشل اسٹیٹس کے سوال کوسمراٹ چودھری ٹال گئے۔ انہوں نے کہا کہ این ڈی اے کی قیادت والی مرکزی حکومت نے بہارکومسلسل خصوصی مدد دینے کا کام کیا ہے، چاہے وہ اٹل جی کی حکومت رہی ہو یا وزیراعظم نریند مودی جی کی حکومت رہی ہو۔
واضح رہے کہ گزشتہ اتوارکو ہی جے ڈی یو کوقومی جنرل سکریٹری اورقومی ترجمان راجیو رنجن نے کہا تھا کہ ہم لوگوں کی طرف سے باربارخصوصی ریاست کا مطالبہ رہے گا، لیکن جب تک خصوصی ریاست کا درجہ نہیں ملتا ہے، تب تک ہمیں اضافی فنڈدی جائے۔ اب دیکھنا ہوگا کہ وزیراعلیٰ نتیش کماراس پرآگے کیا کہتے ہیں۔
بھارت ایکسپریس–
