اے آئی ایم آئی ایم کے سربراہ اسدالدین اویسی۔ (فائل فوٹو)
بہاراسمبلی الیکشن کی تیاریاں شروع ہوچکی ہیں، سبھی سیاسی پارٹیاں اپنے اپنے اتحادیوں سے سیٹوں کی تقسیم پرباتیں بھی کررہی ہیں۔ اسی درمیان کون سی پارٹی کس کے ساتھ رہے گی، اس پر ابھی تعطل کی صورتحال ہے۔ اسدالدین اویسی کی پارٹی آل انڈیا مجلس اتحاد المسلمین (اے آئی ایم آئی ایم) بھی حصہ لے گی۔ خبروں کے مطابق، اے آئی ایم آئی ایم کانگریس اورآرجے ڈی کے ساتھ اتحاد کرسکتی ہے۔ اے آئی ایم آئی ایم اورآرجے ڈی کے درمیان سیٹوں کی تقسیم سے متعلق بات چیت بھی چل رہی ہے۔
سیمانچل علاقے کی سیٹوں پرمعاملہ ابھی پھنسا ہوا ہے۔ اے آئی ایم آئی ایم وہاں کی سبھی 24 سیٹوں پراپنا دعویٰ کررہی ہے۔ جبکہ آرجے ڈی اورکانگریس اس مسئلے پرآپسی رضامندی بنانے کی کوشش میں ہیں۔ اے آئی ایم آئی ایم کے بہارصدراورامورسے رکن اسمبلی اخترالایمان نے کہا ہے کہ ان کی پارٹی عظیم اتحاد کے ساتھ مل کرالیکشن لڑنے کے لئے تیارہے۔ اخترالایمان نے کہا کہ ہمارا مقصد بہارکومضبوط بنانا ہے اورہم اس اتحاد سے متعلق کافی مثبت ہیں۔ انہوں نے یہ بھی کہا کہ ہم کم سیٹوں پربھی معاہدہ کرسکتے ہیں، لیکن شرط یہ ہے کہ سیمانچل کی اہم سیٹیں ہمیں ملیں۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
