گیان واپی مسجد کے سیل وضوخانہ کے سروے سے متعلق سماعت عدالت میں نہیں ہوسکی۔
Gyanvapi Masjid ASI Survey Updates: اترپردیش کے وارانسی واقع گیان واپی مسجد کے سروے کے لئے آرکیولوجیکل سروے آف انڈیا (اے ایس آئی) کی ٹیم دوسرے روز پہنچ گئی ہے اور سروے کا کام شروع کردیا ہے۔ اس درمیان آل انڈیا مجلس اتحادالمسلمین (اے آئی ایم آئی ایم) کے سربراہ اور حیدرآباد کے رکن پارلیمنٹ اسدالدین اویسی نے ٹوئٹ کیا ہے۔ اس سے قبل سپریم کورٹ نے گزشتہ روز الہ آباد ہائی کورٹ کے فیصلے کو برقرار رکھتے ہوئے مسلم فریق کی دلیل کو مسترد کردیا تھا اور اے ایس آئی سروے کو ہری جھنڈی دے دی تھی۔
اے ایس آئی نے سروے کے لئے چارٹیمیں بنائیں
اے ایس آئی نے آج بھی سروے کے لئے چارٹیمیں بنائیں۔ دو ٹیموں نے مسجد احاطے کی مغربی دیوارکی جانچ شروع کی۔ ایک ٹیم مشرقی دیوار کی۔ دوسری کو شمالی دیوار اور اس سے متعلق علاقوں میں جانچ کے لئے لگایا گیا۔ عمارت کی باہری دیواروں کے آس پاس جی پی آر کا استعمال کیا جار ہا ہے۔
اسدالدین اویسی نے کیا ٹوئٹ
گیان واپی میں سروے کے دوسرے دن آل انڈیا مجلس اتحاد المسلمین کے سربراہ اور رکن پارلیمنٹ اسدالدین اویسی نے ٹوئٹ کیا۔ انہوں نے لکھا- ایک بار جب گیان واپی اے ایس آئی رپورٹ عوامی ہوجائے گی، تو کون جانتا ہے کہ چیزیں کیسے آگے بڑھیں گی۔ امید ہے کہ 23 دسمبر اور 6 دسمبر کو نہیں دوہرایا جائے گا۔ عبادت کی جگہ ایکٹ کے متعلق ایودھیا فیصلے میں سپریم کورٹ کے تبصرہ کی توہین نہیں کی جانی چاہئے۔
Once the #Gyanvapi ASI reports are made public, who knows how things will pan out. One hopes that neither 23rd December nor 6th December will repeat. The observation of the Supreme Court in the Ayodhya judgement regarding the sanctity of the Places of Worship Act must not be…
— Asaduddin Owaisi (@asadowaisi) August 5, 2023
ہندو فریق نے کہی یہ بڑی بات
گیان مسجد احاطے کے سائنسی سروے کے لئے اے ایس آئی کے پہنچنے کے بعد ہندو فریق کے وکیل، سدھیر ترپاٹھی نے کہا کہ سروے آج صبح 9 بجے شروع ہوگا۔ یہ سروے کا دوسرا دن ہے۔ ہم چاہتے ہیں کہ لوگ سروے میں تعاون کریں اوراسے جلد ازجلد پورا کریں۔ ہم مکمل تعاون دے رہے ہیں اور حصہ داری دکھا رہے ہیں۔ وہ سپریم کورٹ کے حکم پرآئے ہیں۔ ہم اس کا استقبال کرتے ہیں۔ ہم چاہتے ہیں کہ معاملہ حل ہوجائے۔ جلد ہی سروے سے سب کچھ واضح ہوجائے گا۔
