دہلی کے وزیر اعلیٰ اروند کیجریوال تہاڑ جیل سے رہا ہوگئے ہیں۔ (تصویر: اے این آئی)
دہلی کے وزیراعلیٰ اروند کیجریوال 156 دنوں کے بعد تہاڑجیل سے رہا ہوگئے۔ ڈھول تاشوں کے ساتھ وزیراعلیٰ کا تہاڑجیل کے باہرزبردست استقبال کیا گیا ہے۔ تہاڑجیل کے باہرپارٹی کے بڑے لیڈران نے وزیراعلیٰ کو ریسیو کیا۔ اس دوران وزیراعلیٰ کی اہلیہ سنیتا کیجریوال اوران کی بیٹی بھی موجود رہیں۔ تہاڑجیل سے وزیراعلیٰ اروند کیجریوال روڈ شوکرتے ہوئے اپنے گھرجا رہے ہیں۔ اس سے کیجریوال کی رہائی کے بعد آتش بازی بھی کی گئی۔ پارٹی کے کارکنان نعرے بازی کرتے رہے اورجم کرخوشی منائی۔
#WATCH | Delhi CM and AAP national convener Arvind Kejriwal greets party workers and leaders outside Tihar Jail in Delhi
The Supreme Court granted him bail in the Delhi excise policy case today pic.twitter.com/Ydwlmu6CLN
— ANI (@ANI) September 13, 2024
کیجریوال نے کہا کہ سچائی کی جیت ہوئی
جیل سے باہرآتے ہی اروند کیجریوال نے کہا کہ لوگوں کی دعاؤں کی وجہ سے میں جیل سے باہر آیا ہوں۔ میرا حوصلہ 100 گنا مزید بڑھ گیا ہے۔ ملک مخالف طاقتوں سے لڑتا رہوں گا۔ تہاڑ جیل سے باہرآنے کے بعد انہوں نے یہ بھی کہا کہ یہ سازش پر سچائی کی جیت ہے۔ خدا (بھگوان) کا بہت بہت شکریہ۔ زندگی بھرلڑا ہوں، آگے بھی لڑتا رہوں گا۔ انہوں نے کہا کہ جیل کی سلاخیں کیجریوال کے حوصلے کمزورنہیں کرسکتیں۔ جیسے اوپر والے نے مجھے راستہ دکھایا، ویسا ہی کرتے رہیں۔ جوملک مخالف طاقتیں ملک کو کمزور کرنے کا کام کررہے ہیں۔ زندگی بھرمیں ان کے خلاف لڑتا رہا ہوں اورلڑتا رہوں گا۔
#WATCH | After being released from Tihar Jail, Delhi CM Arvind Kejriwal says, “I have faced many difficulties in my life but God has supported me at every step. This time too God supported me because I was honest, right…” pic.twitter.com/JHwpxY0B8V
— ANI (@ANI) September 13, 2024
سپریم کورٹ نے اروند کیجریوال کو جمعہ کی صبح 10 لاکھ کے مچلکہ پرمستقل ضمانت دی ہے۔ ای ڈی معاملے میں سپریم کورٹ سے اروند کیجریوال کو پہلے ہی عبوری ضمانت مل چکی ہے۔ شراب پالیسی معاملے میں اروند کیجریوال کوای ڈی نے اسی سال 21 مارچ اورسی بی آئی نے 26 جون کوگرفتارکیا تھا۔
بھارت ایکسپریس–
