اروند کیجریوال کی مشکلات میں اضافہ
نئی دہلی: دہلی کی راؤزایوینیوکورٹ نے وزیراعلیٰ اروند کیجریوال کی عدالتی حراست 3 جولائی تک بڑھا دی ہے۔ اس طرح سے اروندکیجریوال کوابھی جیل میں رہنا ہوگا۔ ساتھ ہی شراب پالیسی معاملے میں ملزمین ونود چوہان کی حراست بھی بڑھا دی گئی ہے۔ دونوں کی حراست کی مدت ختم ہونے پرانہیں بدھ کو ویڈیو کانفرنسنگ کے ذریعہ عدالت میں پیش کیا گیا تھا۔
دہلی شراب پالیسی معاملے میں انفورسمنٹ ڈائریکٹوریٹ کے وکیل نے عدالت میں کہا کہ ونود چوہان کوبی آرایس لیڈرکے کویتا کے پی اے کے ذریعہ 25 کروڑ روپئے ملے تھے۔ اسے گوا الیکشن کے لئے ابھیشیک بوئن پلّی کے ذریعہ پیسہ ملا تھا۔ انہوں نے ساتھ ہی کہا کہ اس ماہ کے آخر میں ونود چوہان کے خلاف شکایت درج کرائی جائے گی۔ ونود کومئی میں گرفتارکیا گیا تھا۔
Delhi Excise policy PMLA case | Rouse Avenue court extends the judicial custody of Delhi CM Arvind Kejriwal and Vinod Chauhan till July 3.
Both were produced before the court through video conferencing from Tihar Jail after the expiry of their judicial custody.
— ANI (@ANI) June 19, 2024
اسی ماہ اروند کیجریوال نے کیا ہے سرینڈر
دہلی کے وزیراعلیٰ اروند کیجریوال کو شراب پالیسی معاملے میں 21 مارچ کو گرفتار کیا گیا تھا۔ حالانکہ سپریم کورٹ نے انہیں مئی کے مہینے میں 21 دنوں کے لئے عبوری ضمانت دے دی تھی۔ کیجریوال نے صحت کی بنیاد پر ضمانت کی مدت سات دن بڑھانے کا مطالبہ کیا تھا، لیکن انہیں ضمانت نہیں مل پائی۔ عبوری ضمانت کی مدت ختم ہونے کے بعد 2 جون کو انہوں نے تہاڑجیل میں سرینڈرکردیا تھا۔
عدالتی تحویل کا جوازنہیں: وکیل
لائیولاء کے مطابق، “اروند کیجریوال کی جانب سے سینئر وکیل وویک جین پیش ہوئے۔ عدالت نے اروند کیجریوال سے پوچھا کہ کیا وہ کچھ کہنا چاہتے ہیں۔ اس پروزیراعلیٰ کیجریوال نے کہا کہ میں کچھ کہنا نہیں چاہتا۔ میرے وکیل موجود ہیں۔” اس کے بعد ان کے وکیل وویک جین نے کہا، “عدالتی حراست کوجواز بخشنے کے لئے کچھ نہیں ہے۔ ہم عدالتی حراست کی مخالفت کرتے ہیں۔ گرفتاری کو پہلے ہی چیلنج کیا جاچکا ہے اور وہ سپریم کورٹ میں زیرالتوا ہے۔”
بھارت ایکسپریس۔
