جموں و کشمیر کے اننت ناگ میں دہشت گردوں کے ساتھ تصادم میں فوج کے کرنل، میجر اور ڈی ایس پی شہید ہو گئے ہیں ۔ ہندوستانی فوج نے یہ اطلاع دی ہے۔ اس سے قبل ایک پولیس افسر نے بتایا کہ بدھ کی صبح اننت ناگ کے گڈول علاقے میں چھپے دہشت گردوں اور سیکورٹی فورسز کے درمیان تصادم شروع ہواتھا۔ جموں و کشمیر میں دہشت گردوں اور سیکورٹی فورسز کے درمیان مسلسل تصادم جاری ہے۔ خبر رساں ایجنسی پی ٹی آئی نے حکام کے حوالے سے بتایا ہے کہ بدھ کو ہی راجوری میں سیکورٹی فورسز نے ایک انکاؤنٹر کے دوران ایک اور دہشت گرد کو مار گرایاہے۔ اس کے ساتھ ہی راجوری ضلع کے دور افتادہ نرلا گاؤں میں تین روزہ آپریشن کے دوران مارے گئے دہشت گردوں کی تعداد بڑھ کر تین ہو گئی ہے۔اننت ناگ میں شہید ہونے والوں میں کرنل منپریت سنگھ ،میجر آشیش دھونچک اور ڈی ایس پی ہمایوں کا نام شامل ہے ،جنہوں نے ملیٹنٹوں کو کیفرکردار تک پہنچانے کی اس مشن میں اپنی شہادت پیش کی ہے۔
Anantnag encounter | A Jammu and Kashmir Police official also lost his life in the encounter. The Army officers were leading the troops from the front after they had gone to search for terrorists in the area based on specific intelligence: Indian Army officials
— ANI (@ANI) September 13, 2023
پولیس نے بتایا کہ آج صبح جموں و کشمیر کے اننت ناگ ضلع کے کوکر ناگ علاقے میں سیکورٹی فورسز اور دہشت گردوں کے درمیان تصادم کے بعد فوج اور جموں و کشمیر پولیس کے افسران زخمی ہو گئے۔سوشل میڈیا پلیٹ فارم ایکس پر اپنے آفیشل ہینڈل پر جموں و کشمیر پولیس نے پوسٹ کیا کہ اننت ناگ کے کوکرناگ علاقے میں ایک انکاؤنٹر شروع ہوا ہے۔ فوج اورجموں و کشمیر پولیس کے اہلکار زخمی ہوئے ہیں۔ تفصیلات اس کے بعد میں آئیں گی۔
#WATCH | J&K DGP Dilbag Singh lays a wreath to pay tribute to the J&K police personnel who lost his life in the Anantnag encounter. pic.twitter.com/wUdV3UZfOz
— ANI (@ANI) September 13, 2023
اننت ناگ انکاونٹر میں شہید ہوئے جوانوں کی جسد خاکی پر جموں کشمیر کے ڈی جی پی دلباغ سنگھ نے پھولوں کا مالا ڈال کر خراج پیش کیا وہیں جموں کشمیر کے لیفٹننٹ گورنر منوج سنہا نے بھی شہید جوانوں کو خراج پیش کی۔ ادھر کانگریس پارٹی کی جانب سے ا س واقعے پر دکھ کا اظہا رکرتے ہوئے کہا گیا کہ اس خبر نے پورے ملک کو سوگورا کردیا ہے ۔ ہمارے جوان ملک کی سلامتی کی خاطر ہم سے دور ہوگئے ۔ ان کی قربانی کبھی بھی رائیگاں نہیں جائے گی۔
#WATCH जम्मू-कश्मीर के उप राज्यपाल मनोज सिन्हा ने अनंतनाग मुठभेड़ में जान गंवाने वाले जम्मू-कश्मीर के पुलिस कर्मियों को श्रद्धांजलि दी। pic.twitter.com/o4WtqqaX0L
— ANI_HindiNews (@AHindinews) September 13, 2023
The entire nation is deeply saddened by the news of the tragic encounter in Anantnag, in which our Indian Army jawans lost their lives.
Their sacrifice will never be forgotten!
Jai Jawan, Jai Hind 🇮🇳
— Congress (@INCIndia) September 13, 2023
جموں و کشمیر کے راجوری میں پاکستانی دہشت گرد مارا گیا
ایک مشتبہ پاکستانی دہشت گرد منگل کو دور افتادہ نرلا گاؤں میں ایک انکاونٹر میں مارا گیا۔ فائرنگ کے نتیجے میں فوج کا ایک سپاہی اور فوج کے ڈاگ یونٹ کی چھ سالہ خاتون لیبراڈور کینٹ بھی شہید جبکہ تین سیکیورٹی اہلکار زخمی ہوئے۔
اس سال کتنے دہشت گرد مارے گئے؟
خبر رساں ایجنسی پی ٹی آئی کے مطابق راجوری اور پونچھ کے سرحدی اضلاع میں اس سال انکاؤنٹرس میں تقریباً 26 دہشت گرد مارے گئے اور 10 سیکورٹی اہلکار شہید ہوئے۔ حکام نے بتایا کہ زیادہ تر دہشت گرد سرحد پار سے اس طرف داخل ہونے کی کوشش کرتے ہوئے مارے گئے۔
