مرکزی وزیر داخلہ امت شاہ نے منگل کو اترکاشی ضلع کے دھرالی علاقے میں تباہ کن بادل پھٹنے کے بعد صورت حال کا جائزہ لینے کے لیے اتراکھنڈ کے وزیر اعلی پشکر سنگھ دھامی سے بات کی۔ تازہ ترین اطلاعات کے مطابق اب تک 100 سے زیادہ لوگ مبینہ طور پر لاپتہ ہیں اور بچاؤ کا کام لگاتار جاری ہے۔
سوشل میڈیا پلیٹ فارم ’ایکس‘ پر پوسٹ کرتے ہوئے وزیر داخلہ نے بتایا کہ ’’اتراکھنڈ کے دھرالی (اترکاشی) میں اچانک سیلاب کے واقعہ کے بارے میں اتراکھنڈ کے وزیر اعلیٰ سے بات کی اور واقعہ کی جانکاری حاصل کی۔ آئی ٹی بی پی کی قریب ترین 3 ٹیمیں وہاں بھیجی گئی ہیں، اس کے ساتھ ہی این ڈی آر ایف کی 4 ٹیمیں بھی موقع پر روانہ کی گئی ہیں، جو جلد پہنچ کر بچاؤ کا کام شروع کریں گی۔‘‘
उत्तराखंड के धराली (उत्तरकाशी) में फ्लैश फ्लड की घटना को लेकर उत्तराखंड के मुख्यमंत्री से बात कर घटना की जानकारी ली। ITBP की निकटतम 3 टीमों को वहाँ भेज दिया गया है, साथ ही NDRF की 4 टीमें भी घटनास्थल के लिए रवाना कर दी गई हैं, जो शीघ्र पहुँच कर बचाव कार्य में लगेंगी।
— Amit Shah (@AmitShah) August 5, 2025
وزارت داخلہ کے عہدیداروں نے تصدیق کی کہ انڈو تبت بارڈر پولیس (آئی ٹی بی پی) اور نیشنل ڈیزاسٹر رسپانس فورس (این ڈی آر ایف) کی ٹیموں کو فوری طور پر متاثرہ علاقے میں پہنچنے کی ہدایت دی گئی ہے تاکہ بچاؤ اور راحتی کاموں میں مدد کی جاسکے۔ مقامی حکام اس وقت نقصان کی حد کا اندازہ لگانے اور متاثرہ افراد کو ہنگامی امداد فراہم کرنے کے لیے زمینی کام کر رہے ہیں۔ ہلاکتوں اور بنیادی ڈھانچے کو پہنچنے والے نقصانات کے بارے میں تفصیلات کا ابھی انتظارہے۔ دریں اثنا آئی ٹی بی پی کے ایک اہلکار نے بتایا کہ 16 رکنی ٹیم امدادی کارروائیوں میں مدد کے لیے جائے وقوعہ پر پہنچ گئی ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
