مرکزی وزیر داخلہ امت شاہ۔ (فائل فوٹو)
Amit Shah Reaction On PM Modi’s US Visit: اپنے تین روزہ امریکہ کے سرکاری دورے پر گئے وزیراعظم مودی کا وہاں کے صدارتی بھون میں شاندار استقبال ہوا۔ وزیراعظم مودی کے وائٹ ہاوس میں ہوئے شاندار استقبال سے بے حد خوش ملک کے وزیرداخلہ امت شاہ نے اسے وزیراعظم مودی کی سفارتی اور عالمی تعلقات کی جیت بتایا ہے۔ انہوں نے کہا کہ یہ ہندوستان کے دنیا میں بڑھے ہوئے اثرکا ثبوت ہے۔
مرکزی وزیر داخلہ امت شاہ نے ٹوئٹر پر وزیراعظم مودی کے استقبال کا ویڈیو شیئرکرتے ہوئے کہا، “وزیراعظم کا وائٹ ہاوس میں والہانہ استقبال ان کے سفارتی اصولوں کی کامیابی کو ظاہر کرتا ہے، ملک میں عوام کے لیڈراورعالمی اسٹیج پرکرشمائی لیڈر مودی کو جو عزت دی گئی، وہ سبھی ہندوستانیوں کے لئے قابل فخر ہے۔”
A grand welcome to PM @narendramodi Ji at the White House radiates with the success of Modi doctrine in diplomacy. A people’s leader at home and a charismatic statesman on the global stage, the accolades bestowed upon Modi Ji are a source of pride for every Indian. pic.twitter.com/zZIbNohPq5
— Amit Shah (@AmitShah) June 22, 2023
بی جے پی آئی ٹی سیل کے سربراہ امت مالویہ نے استقبالیہ تقریب کا ایک ویڈیو کلپ ٹوئٹر پر شیئر کرتے ہوئے کہا، “مجھے یاد نہیں ہے کہ دنیا کے کسی بھی لیڈر کو وائٹ ہاوس میں اس طرح کا استقبالیہ ملا ہو۔” مرکزی وزیر کرن رجیجو نے بھی ویڈیو کلپ ٹوئٹ کرتے ہوئے کہا، فخرمحسوس کر رہا ہوں۔
بھارت ایکسپریس۔
