بہاراسمبلی الیکشن کے پہلے مرحلے کی تشہیرکا آج آخری دن ہے۔ تمام سیاسی پارٹیاں اپنی پوری طاقت لگاتی ہوئی نظرآرہی ہیں۔ مرکزی وزیرداخلہ امت شاہ نے دربھنگہ میں عوامی جلسے کوخطاب کیا۔ اس دوران انہوں نے آپریشن سندورکا بھی ذکرکیا۔ وزیرداخلہ نے کہا کہ پاکستان کی گولی کا گولہ سے جواب دیں گے۔ اس کے ساتھ ہی یہ گولے بہارمیں بنائے جائیں گے۔
وزیرداخلہ امت شاہ نے عوامی جلسے میں کہا کہ ابھی پہلگام میں دہشت گردوں نے بے قصور سیاحوں کوماردیا۔ مودی جی بہارکی سرزمین سے کہہ کرگئے تھے۔ اس حملے کا جواب دیا جائے گا۔ فوج نے آپریشن سندورکے ذریعہ پاکستان کے گھرمیں گھس کردہشت گردوں کا صفایا کیا تھا۔ اگرپاکستان پھرسے گولی چلانے کی ہمت کرے گا توجواب گولے سے دیا جائے گا۔ گولہ بھی بہارکے ڈیفنس کاریڈورمیں بنایا جائے گا۔
ایودھیا سے سیتامڑھی تک ریل لائن: امت شاہ
امیت شاہ نے کہا کہ 850 کروڑ روپے کی لاگت سے ماں سیتا کے لیے وقف ایک مندرکی تعمیر کی جا رہی ہے، جہاں ان کی پیدائش ہوئی تھی اورجہاں انہوں نے آخری وقت گزارا تھا۔ متھیلا کی اس سرزمین پر ہرجگہ ماں سیتا کے لیے وقف عظیم الشان مندربنا کر، ہم انہیں رامائن کی ثقافت سے بھی جوڑیں گے۔ ہم ایودھیا اورسیتامنی کے درمیان 4500 کروڑروپئے کی لاگت سے ریلوے لائن بچھا رہے ہیں۔
راہل بابا نے نکالی تھی دراندازبتاؤ یاترا: امت شاہ
وزیرداخلہ امت شاہ نے کہا کہ ڈھائی ماہ پہلے راہل بابا یہاں آئے تھے اورایک یاترا نکالی تھی، جو’’گھس پیٹھیا (درانداز) بچاؤ یاترا‘‘ تھی۔ لالوپرساد یادواورراہل گاندھی دراندازوں کوبچانا چاہتے ہیں۔ یہ کتنی بھی یاترا نکال لیں، لیکن ہم ملک سے دراندازوں کومنتخب کرکے باہرنکالنے کا کام کریں گے۔
لالو یادونے کیا 12 لاکھ کروڑروپئے کا گھوٹالہ: امت شاہ
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
