کولکاتا: مرکزی وزیر داخلہ امت شاہ نے اتوار کو کولکاتا میں امول بنگال ڈیری پروجیکٹ کے تحت دنیا کے سب سے بڑے دہی کی پیداوار کے پلانٹ کے لیے بھومی پوجن کیا۔ اس موقع کو مغربی بنگال کے صنعتی منظرنامے میں ایک اہم سنگ میل قرار دیا گیا۔ تقریب سے خطاب کرتے ہوئے مرکزی وزیر نے ریاست کی ثقافتی علامت ’مِشٹی دوئی‘ (میٹھی دہی) کو حالیہ سیاسی تبدیلی سے جوڑتے ہوئے کہا کہ موجودہ بی جے پی حکومت کے تحت ریاست ترقی کے ایک نئے دور میں داخل ہو رہی ہے۔ امت شاہ نے کہا ’’آج بنگال کے انتخابات میں کامیابی کے بعد میں وزیر اعظم نریندر مودی کی جانب سے بنگال کے عوام کا منھ ’مِشٹی دوئی‘ سے میٹھا کرانے آیا ہوں۔ بنگال کے عوام نے جو تبدیلی لائی ہے، وہ آزادی کے بعد ہونے والے کسی بھی دوسری ریاستی اسمبلی انتخابات سے مختلف ہے۔‘‘
’بنگال کبھی ملک کے ہر شعبے کے لیے روشنی کا مینار تھا‘
ریاست کے ماضی کا ذکر کرتے ہوئے وزیر داخلہ نے سابقہ حکومتوں کو تنقید کا نشانہ بنایا۔ انہوں نے کہا ’’بنگال کبھی ملک کے ہر شعبے کے لیے روشنی کا مینار تھا… لیکن ایک طویل عرصے تک بنگال غیر ملکی نظریات سے متاثر کمیونسٹ حکومت کے زیر اقتدار رہا۔‘‘ انہوں نے مزید کہا کہ اس دور سے نکلنے کے بعد ریاست گزشتہ ایک دہائی کے دوران ترنمول کانگریس (ٹی ایم سی) کے ’’چنگل‘‘ میں پھنس گئی، جس کے نتیجے میں ریاست کا زوال ہوا۔ ٹی ایم سی پر حملہ کرتے ہوئے امت شاہ نے کہا ’’اس سے آزادی حاصل کرنے کے بعد بنگال ٹی ایم سی کے چنگل میں پھنس گیا، جو نظریے سے عاری، بدعنوان اور مجرمانہ عناصر پر مشتمل ہے اور ہماری آنکھوں کے سامنے گرو دیو ٹیگور کا دیکھا ہوا ’سونار بنگلہ‘ (سنہرا بنگال) کا خواب تباہ ہو گیا۔‘‘ انہوں نے دعویٰ کیا کہ اب ریاست دوبارہ ترقی اور بحالی کی راہ پر گامزن ہے۔ امیت شاہ نے اس تبدیلی کا سہرا عوام کی اجتماعی جدوجہد اور وزیر اعلیٰ سوویندو ادھیکاری کی قیادت کو دیا۔
’دس سالہ کے بعد سونار بنگلہ کی تحریک پھر زندہ ہوئی‘
امت شاہ نے کہا ’’آج دس سالہ جدوجہد اور وزیراعظم مودی کی اپیل کا جواب دیتے ہوئے وزیراعلیٰ سوویندو کی قیادت میں بی جے پی حکومت کے قیام کے ساتھ ’سونار بنگلہ‘ کی تحریک دوبارہ زندہ ہو گئی ہے۔‘‘ اس سے قبل امت شاہ نے کولکاتا کی نیشنل لائبریری میں نو تعمیر شدہ ’میوزیم آف ورڈ‘ کے پہلے مرحلے کا افتتاح بھی کیا۔ انہوں نے اسے ملک کے ثقافتی ورثے کی بحالی کی سمت ایک اہم قدم قرار دیا۔ مرکزی وزیر داخلہ نے کہا کہ کسی بھی ملک یا خطے کی ثقافت زبان کے بغیر وجود میں نہیں آ سکتی اور زبان جذبات سے جنم لینے والے الفاظ کے بغیر مکمل نہیں ہو سکتی۔ انہوں نے امید ظاہر کی کہ ’میوزیم آف ورڈ‘ ملک کی ثقافتی بحالی کے عمل میں ایک بنیادی ضرورت کو پورا کرے گا اور اپنے مقصد میں کامیاب ہوگا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
