سنبھل میں حالیہ دنوں مسجد کے سروے کے دوران ہوئے فساد میں پانچ معصوموں کی موت کے بعد ملک بھر میں سیاسی طوفان دیکھنے کو مل رہا ہے۔ اسی ضمن میں آج لوک سبھا میں قائد حزب اختلاف اور کانگریس لیڈر راہل گاندھی سنبھل جارہے ہیں ، حالانکہ راہل گاندھی کے ساتھ اس سفر میں ان کی بہن پرینکا گاندھی بھی ہیں ،ساتھ میں کانگریس کے کئی لیڈران اور پارٹی کارکنا کا ہجوم بھی دیکھنے کو مل رہا ہے۔ البتہ راہل گاندھی کا قافلہ جیسے ہی غازی پور بارڈر پہنچا وہاں یوپی پولیس نے انہیں روک دیا ہے۔ غازی پور بارڈر پر راہل پرینکا کے قافلے کو روک کر انہیں سمجھانے کی کوشش کی جارہی ہے اور انہیں بتایا جارہا ہے کہ سنبھل میں 10 دسمبر تک کسی بھی باہری کے داخلے پر پابندی ہے، اس لئے آپ وہاں نہیں جاسکتے ۔
وہیں راہل گاندھی نے پولیس کو جواب میں کہا کہ قائد حزب اختلاف، ایک عوامی نمائندے کو ان کی عوام سے ملنے سے کیسے روک سکتے ہیں ۔ اس دوران کانگریس کی طرف سے پانچ افراد پر مشتمل وفد کو آگے جانے کی اجازت مانگی لیکن پولیس نے اس پر بھی منع کردیا ۔ پھر راہل گاندھی نے پولیس انتظامیہ سے بات کرتے ہوئے کہا کہ اگر آپ وفد کو نہیں جانے دیتے ہیں تو پھر مجھے اکیلے جانے دیں ، اگر آپ مجھے میری اپنی گاڑی سے نہیں جانے دینا چاہتے ہیں تو مجھے آپ اپنی گاڑی میں لے چلو، حالانکہ ابھی تک اس پر فیصلہ نہیں ہوسکا ہے اور دونوں طرف سے تعطل برقرار ہے۔
#WATCH | Delhi: On Rahul Gandhi stopped at Ghazipur border on his way to Sambhal, Samajwadi Party MP Akhilesh Yadav says “What does the BJP Govt want to hide? From the first day, everyone including the Samajwadi Party has said that whatever the Sambhal administration has done… pic.twitter.com/22O3H3WsSn
— ANI (@ANI) December 4, 2024
اسی بیچ راہل گاندھی کے سنبھل جانے کے معاملے پر سماج وادی پارٹی کے رکن پارلیمنٹ اکھلیش یادو نے کہا کہ بی جے پی حکومت کیا چھپانا چاہتی ہے؟پہلے دن سے سماج وادی پارٹی سمیت سبھی نے کہا ہے کہ سنبھل انتظامیہ نے جو کچھ بھی کیا ہے، وہ بی جے پی کی ہدایت پر کیا گیا ہے۔وہ کسی بھی پارٹی کے وفد کو وہاں جانے نہیں دے رہے ہیں۔ وہ کیا چھپانے کی کوشش کر رہے ہیں؟
#WATCH | Delhi: On Congress delegation led by Lok Sabha LoP Rahul Gandhi, stopped on their way to violence-hit Sambhal, SP MP Dimple Yadav says, “The government and administration are trying to cover it up. They do not want the situation to get back to normal. They know that if… pic.twitter.com/QmwRGRk8m1
— ANI (@ANI) December 4, 2024
وہیں سماج وادی پارٹی کے رکن پارلیمنٹ ڈمپل یادو نے بھی کہا کہ کہیں نہ کہیں انتظامیہ معاملے کو دبانے کی کوشش کر رہی ہے، یہی وجہ ہے کہ اب تک حالات معمول پر نہیں آ رہے ہیں۔ انہیں معلوم ہے کہ اگر کوئی وفد جا کر لوگوں سے ملے گا تو سچ سامنے آجائے گا۔ وہ چاہتے ہیں کہ جتنی تاخیر ہوگی، بی جے پی کے لیے اتنا ہی بہتر ہوگا۔
بھارت ایکسپریس۔
