احمد پٹیل کی روایتی سیٹ بھروچ عام آدمی پارٹی کے کھاتے میں چلی گئی ہے۔ اس پر ممتاز پٹیل کا بیان آیا ہے۔
لوک سبھا الیکشن 2024 کے لئے تمام کوششوں اور میٹنگوں کے بعد آخرکار عام آدمی پارٹی اور کانگریس کے درمیان سیٹ شیئرنگ پربات بن گئی۔ دونوں ہی پارٹیوں کے درمیان گجرات میں بھی ساتھ لڑنے پراتفاق ہوگیا ہے۔ صوبے کی بھروچ پارلیمانی سیٹ عام آدمی پارٹی کے کھاتے میں چلی گئی ہے۔ یہاں عام آدمی پارٹی کا امیدوار الیکشن لڑے گا۔ اس فیصلے سے متعلق کانگریس کے مرحوم لیڈراحمد پٹیل کی بیٹی اور کانگریس لیڈر ممتاز پٹیل نے ناراضگی ظاہر کرتے معافی مانگی ہے۔
ممتازپٹیل نے اپنے سوشل میڈیا پرایک پوسٹ شیئرکیا ہے- انہوں نے کہا ہے کہ الائنس میں بھروچ لوک سبھا سیٹ محفوظ نہیں کرپانے کے لئے ضلع کیڈر سے گہرائی سے معافی مانگتی ہوں۔ انہوں نے کہا کہ ہم متحد ہوں گے۔ اس کے ساتھ ہی ممتازپٹیل نے خود کو بھروچ کی بیٹی بتاتے ہوئے کہا کہ احمد پٹیل کی 45 سالوں کی وراثت کو رائیگاں نہیں جانے دیں گے۔
Deeply apologize to Our district cadre for not being able to secure the Bharuch Lok Sabha seat in alliance.I share your disappointment.Together, we will regroup to make @INCIndia stronger .We won’t let @ahmedpatel 45 years of Legacy go in vain. #bharuchkibeti
— Mumtaz Patel (@mumtazpatels) February 24, 2024
’کانگریس کی روایتی سیٹ ہے بھروچ‘
اس سے پہلے جب بھروچ سیٹ عام آدمی پارٹی کے کھاتے میں جانے کی بات سامنے آئی تھی تب ممتاز پٹیل نے میڈیا سے بات کرتے ہوئے کہا تھا کہ انہیں امید ہے کہ یہ سیٹ کانگریس کو ملے گی۔ کانگریس لیڈر نے یہ بھی کہا تھا کہ سنا ہے کہ راہل گاندھی نے بھی بھروچ سیٹ عام آدمی پارٹی کو دیئے جانے پراعتراض کیا ہے۔ انہوں نے کہا تھا کہ بھروچ روایتی طور پرکانگریس کی سیٹ ہے۔ انہوں نے کہا کہ اس سیٹ پر کانگریس نے جو ترقی کی، یہاں ہماری بنیاد ہے، اسی کے سبب عام آدمی پارٹی الائنس کرنا چاہتی ہے۔
#WATCH | On reports of Congress to give Gujarat’s Bharuch seat to AAP, Congress leader Mumtaz Patel, daughter of veteran party leader late Ahmed Patel says, “The talks are still on and the final decision is yet to be made. We had hopes that this seat would remain with Congress… pic.twitter.com/DIL4Azk9Q8
— ANI (@ANI) February 23, 2024
بھروچ سے احمد پٹیل لڑتے تھے الیکشن
دراصل، بھروچ سیٹ کانگریس کی روایتی سیٹ مانی جاتی ہے۔ مرحوم لیڈراحمد پٹیل اسی سیٹ کی نمائندگی کرتے رہے۔ ایسے میں نہ صرف ممتازبلکہ احمد پٹیل کے بیٹے فیصل احمد پٹیل سمیت پارٹی کے کئی لیڈران چاہتے تھے کہ یہ سیٹ کانگریس کو ملے۔ اس کے لئے ان سبھی لوگوں نے کانگریس اعلیٰ کمان سے گزارش بھی کی تھی۔ حالانکہ سیٹ شیئرنگ پرغوروخوض کے بعد یہ سیٹ اب عام آدمی پارٹی کے پاس چلی گئی ہے۔ ظاہر ہے کہ اس سے مرحوم احمد پٹیل کی فیملی میں ناراضگی ہوگی۔ واضح رہے کہ گجرات سے لوک سبھا پہنچنے والے احمد پٹیل آخری مسلم رکن پارلیمنٹ تھے۔ احمد پٹیل 26 سال کی عمرمیں پہلی بار 1977 میں رکن پارلیمنٹ بنے اور پھر 1982 اور 1984 میں بھروچ سے جیت درج کی تھی۔
بھارت ایکسپریس۔
