سنبھل: شری کلکی دھام مندر کے پیٹھادھیشور آچاریہ پرمود کرشنم نے آپریشن سندور کی تعریف کرنے والے کانگریس لیڈر آنند شرما اور ششی تھرور کی ایک مرتبہ پھر تعریف کرے ہوئے انھیں محب وطن قرار دیا ہے۔ ساتھ ہی انھوں نے کانگریس لیڈر اور قائد حزب اختلاف راہل گاندھی کو تنقید کا نشانہ بناتے ہوئے کہا ہے کہ کانگریس کے تمام لیڈران راہل گاندھی سے ناراض ہیں، کیوں کہ راہل گاندھی اب ملک مخالف ہو چکے ہیں۔
آئی اے این ایس سے بات کرتے ہوئے آچاریہ پرمود کرشنم نے کہا کہ ’’چاہے وہ ششی تھرور ہوں، آنند شرما ہوں، یا کانگریس کے دیگر سینئر لیڈر، سبھی راہل گاندھی سے ناراض ہیں۔ اور وہ کسی ذاتی مسئلے کی وجہ سے ان سے ناراض نہیں ہیں، بلکہ اس لیے ناراض ہیں کہ راہل گاندھی ملک کے خلاف ہو گئے ہیں۔‘‘
راہل جب بھی بولتے ہیں، ملک مخالف ہی بولتے ہیں: آچاریہ پرمود کرشنم
آچاریہ پرمود کرشنم نے مزید کہا کہ ’’راہ گاندھی جب بھی بولتے ہیں، ملک کے خلاف ہی بولتے ہیں۔۔۔بہت پہلے سے ہی۔‘‘ انھوں نے کہا کہ یہ کوئی نئی بات نہیں ہے بلکہ کافی عرصے سے راہل گاندھی ملک مخالف باتیں بولتے آ رہے ہیں اور یہی وجہ ہے کہ کانگریس پارٹی کے اکثر بڑے لیڈر ان سے ناراض ہیں۔
Sambhal, Uttar Pradesh: Acharya Pramod Krishnam on Congress leader Anand Sharma praising Operation Sindoor says, “Whether it is Shashi Tharoor, Anand Sharma, or other senior Congress leaders, everyone is upset with Rahul Gandhi. And they are not upset with him because of any… pic.twitter.com/PKBN7SvefW
— IANS (@ians_india) May 22, 2025
آنند شرما اور ششی تھرور ہیں محب وطن: پرمود کرشنم
تاہم پرمود کرشنم نے ششی تھرو اور آنند شرما کو محب وطن قرار دیتے ہوئے ان کی تعریف کی اور کہا کہ وزیر اعظم مودی بھی محب وطن لوگوں کا احترام کرنا جانتے ہیں۔ انھوں نے کہا ’’میں نے پہلے بھی کہا ہے کہ ششی تھرور اور آنند شرما محب وطن اراکین پارلیمان ہیں، اور وزیر اعظم مودی محب وطن لوگوں کا احترام کرنا اچھی طرح جانتے ہیں۔‘‘
واضح رہے کہ راہل گاندھی لگاتار آپریشن سندور پر سوالات اٹھا رہے ہیں، جب کہ کانگریس لیڈر ششی تھرور اور آنند شرما نے اس کی تعریف کی ہے۔ وہیں کثیر جماعتی پارلیمانی وفود میں کانگریس کی مرضی کے بغیر حکومت کے ذریعے ششی تھرور کو ایک وفد کی قیادت دینے پر کانگریس کے اعتراض نے مزید سیاسی ہلچل پیدا کر رکھی ہے۔ آچاریہ پرمود کرشنم نے پہلے بھی ششی تھرور کی تعریف کرتے ہوئے انھیں سچا محب وطن قرار دیا تھا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
