عام آدمی پارٹی نے اپنے کونسلروں کے استعفیٰ پر بی جے پی پر الزام لگایا ہے۔
AAP Councillors Resigns: دہلی میں عام آدمی پارٹی میں بڑی بغاوت دیکھنے کو ملی ہے۔ پارٹی کے فیصلے سے ناراض ہوکر عام آدمی پارٹی کے 15 کونسلروں نے عام آدمی پارٹی سے استعفیٰ دے دیا ہے۔ ساتھ ہی اپنی نئی پارٹی بنانے کا بھی اعلان کردیا ہے۔ وہیں، ان کونسلروں کی بغاوت پرعام آدمی پارٹی کا پہلا ردعمل سامنے آیا ہے۔
عام آدمی پارٹی نے کہا، “میئرالیکشن کے وقت سے ہی بی جے پی ہمارے کونسلروں کو اپنے پالے میں کرنے کی کوشش کررہی ہے۔ ہرایک کونسلرکو 5 کروڑروپئے کی پیشکش کی گئی۔ بی جے پی کے پاس اسٹینڈنگ کمیٹی یا وارڈ کمیٹی بنانے کے لئے اکثریت نہیں ہے، اس لئے وہ لوگوں کوخریدنے کا سہارا لے رہی ہے۔”
سب کے سامنے آئے گی حقیقت:عام آدمی پارٹی
پارٹی کی طرف سے مزید کہا گیا، “چونکہ ہم نے میئرالیکشن کے دوران ہی بی جے پی کی خریدوفروخت کی کوششوں کواجاگرکردیا تھا، اس لئے اب وہ یہ دکھاوا کرکے ڈرامہ کررہے ہیں کہ یہ پارٹی بدلنے والے دوسری پارٹی سے ہیں۔ تاہم کوئی غلطی نہ کریں۔ یہ شروع سے لے کر آخرتک بی جے پی کا کام ہے۔ آنے والے دنوں میں سچائی سب کے سامنے آجائے گی۔”
مکیش گوئل نے کیا یہ بڑا دعویٰ
مکیش گوئل نے کہا، عام آدمی پارٹی اکثریت کے ساتھ آئی تھی، لیکن پارٹی بس حکم دیتی تھی۔ کسی کی نہیں سنی جاتی تھی۔ صرف اپوزیشن پرالزام لگایا جاتا تھا۔ میں 1997 سے کونسلرہوں، لیکن ایسا میں نے کبھی نہیں دیکھا۔ انہوں نے مزید کہا کہ میونسپل کارپوریشن کو ورغلایا گیا کہ ایک لاکھ روپئے ملے گا۔ تاہم اب تک نہیں ملا۔ دوسال بچے ہیں، ہمارے کام نہیں ہوں گے۔ میں نے عام آدمی پارٹی کی رکنیت سے استعفیٰ دے دیا ہے۔ ہم نے نئی پارٹی بنائی ہے اوربی جے پی-کانگریس کے کئی کونسلربھی ہمارے ساتھ آئیں گے۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
