دہلی کے آئی ٹی او سے ڈی ڈی یو مارگ جانے کے تمام راستے بند کردیئے گئے ہیں۔ (Image Source :PTI)
Arvind Kejriwal Arrested: وزیراعلیٰ اروند کیجریوال کی دہلی شراب پالیسی معاملے میں 21 مارچ کی رات انفورسمنٹ ڈائریکٹوریٹ (ای ڈی) کے ذریعہ گرفتاری کے بعد عام آدمی پارٹی نے جمعہ کے روز بی جے پی ہیڈ کوارٹرسمیت ملک گیراحتجاج کا اعلان کیا ہے۔ عام آدمی پارٹی کے لیڈران نے اس احتجاج میں انڈیا الائنس میں شامل تمام سیاسی پارٹیوں سے بھی شامل ہونے کی اپیل کی ہے۔
وزیراعلیٰ اروند کیجریوال کی گرفتاری کی مخالفت میں عام آدمی پارٹی کی طرف سے احتجاج کی اپیل کو دیکھتے ہوئے دہلی پولیس نے عام آدمی پارٹی دفترجانے کے تمام راستے بند کردیئے ہیں۔ سیکورٹی پہلوؤں کے پیش نظرپولیس نے دین دیال اپادھیائے مارگ کی طرف جانے والے راستے پردہلی پولیس نے چاروں طرف سے بیریکیٹس بھی لگا دیئے ہیں۔ سیکورٹی کے پیش نظر آئی ٹی او، دین دیال مارگ اورکئی دیگرعلاقوں میں بڑی تعداد میں نیم فوجی دستوں کے جوانوں کوتعینات کیا گیا ہے۔
ITO से दीन दयाल उपाध्याय मार्ग पर जाने के रास्ते बंद किए.
थोड़ी देर पहले अर्ध सैनिक बलों से भरी 3 बस अंदर गईं.
आज 10 बजे AAP मुख्यालय पर जुटेंगे कार्यकर्ता.@BJP4India मुख्यालय पर प्रोटेस्ट की योजना.@SandhyaTimes4u @NBTDilli pic.twitter.com/yKRF7Y2BX4
— सूरज सिंह/Suraj Singh 🇮🇳 (@SurajSolanki) March 22, 2024
عام آدمی پارٹی کے کارکنان بی جے پی ہیڈ کوارٹرپرکریں گے احتجاج
دوسری طرف جمعہ کے روزعام آدمی پارٹی کے لیڈران اورکارکنان صبح 10 بجے پارٹی ہیڈ کوارٹرپر جمع ہوں گے اوراحتجاج کی حکمت عملی طے کریں گے۔ اس کے بعد عام آدمی پارٹی کے لیڈربی جے پی ہیڈ کوارٹرپر جاکربڑے پیمانے پراحتجاج کریں گے۔ دراصل عام آدمی پارٹی کے حامیوں میں انفورسمنٹ ڈائریکٹوریٹ (ای ڈی) کی کارروائی کے خلاف زبردست ناراضگی ہے۔ عام آدمی پارٹی کے لیڈران کا الزام ہے کہ وزیراعلیٰ اروند کیجریوال کی گرفتاری بی جے پی کے کہنے پرہوئی ہے۔ پارٹی کے کارکنان ان کی واپسی تک مرکزی حکومت کی جابرانہ پالیسیاں کے خلاف مہم جاری رکھیں گے۔
بھارت ایکسپریس۔
