بہار کے رکن پارلیمنٹ پپو یادو نے یوپی کے ہاتھرس میں بھگوان شنکر کے ستسنگ کے اختتام کے دوران بھگدڑ کے بعد ہوئے حادثے اور 116 سے زیادہ لوگوں کی موت کو لیکر پی ایم مودی کو نشانہ بنایا ہے۔ انہوں نے سوشل میڈیا کے ایکس اکاونٹ پر پوسٹ کیا اور لکھا- ‘افسوسناک اور شرمناک! ہاتھرس میں بھگدڑ میں دو سو سے زائد افراد ہلاک ہو گئے اور وزیراعظم لوک سبھا میں طنز اور مزاح کے ساتھ بول رہے ہیں! پپو یادو نے مزید لکھا کہ کم از کم غمزدہ ہونے کا ڈرامہ تو کریں، پی ایم صاحب! شرمندہ ہوں اپنے سربراہ مملکت سے۔
दुःखद शर्मनाक! हाथरस में भगदड़ में
दो सौ से अधिक लोग मारे गए।प्रधानमंत्री जी मज़ाक़, उपहास और
हास्य विनोद के साथ लोक सभा में
भाषण कर रहे हैं!ग़मगीन होने का स्वांग ही कर लीजिए
PM साहब! अपने राष्ट्राध्यक्ष से शर्मिंदा हूं!— Pappu Yadav (@pappuyadavjapl) July 2, 2024
بتادیں کہ پی ایم مودی نے ہاتھرس میں پیش آنے والے واقعہ پر غم کا اظہار کیا اور یوپی کے وزیر اعلی یوگی آدتیہ ناتھ سے وہاں کی صورتحال کے بارے میں دریافت کیا۔ پی ایم نے کہا کہ ہاتھرس میں بہت سے لوگوں کی المناک موت ہوئی ہے۔ میں اس حادثے میں جان گنوانے والوں کے تئیں تعزیت کا اظہار کرتا ہوں۔ انہوں نے زخمیوں کی جلد صحت یابی کی خواہش کی۔واقعے کے بعد ہاتھرس انتظامیہ راحت اور بچاؤ کے کاموں میں مصروف ہے۔ متاثرین کی ہر ممکن مدد کی جا رہی ہے۔ وزیر اعلیٰ یوگی آدتیہ ناتھ نے ہاتھرس ضلع میں ہونے والے حادثے کا نوٹس لیا ہے اور ضلع انتظامیہ کے افسران کو فوری طور پر امدادی کاموں میں تیزی لانے کی ہدایت دی ہے۔
بھگدڑ میں اب تک 116افراد ہلاک ہو چکے ہیں
بتایا جا رہا ہے کہ ہاتھرس میں ستسنگ کے دوران ہونے والی بھگدڑ میں 116سے زیادہ لوگوں کی موت ہو گئی ہے اور متعدد زخمی ہیں۔ جنہیں علاج کے لیے ایٹہ میڈیکل کالج میں داخل کرایا گیا ہے۔ آپ کو بتادیں کہ یوپی کے ہاتھرس کے رتبھن پور میں منگل کو ایک بڑا حادثہ پیش آیا، جہاں بھگوان شنکر کے ستسنگ کے اختتام کے دوران بھگدڑ مچ گئی۔ یہ تب ہوا جب ستسنگ ختم کرکے بابا لوٹ رہے تھے تبھی عقیدتمندوں کی طرف سے ان کے پاوں کی دھول کو ماتھے پر لگانے کیلئے بھیڑ امڈ پڑی جس کی وجہ سے یہ اندوہناک حادثہ ہوا۔
بھارت ایکسپریس۔
