شام سے اب امریکی فوج باہر نکلنا چاہتی ہے، جس سے اسرائیل پریشان ہوگیا ہے۔ (فائل فوٹو)
شام میں بشارالاسد کی حکومت کے ساتھ ساتھ بہت کچھ بدل رہا ہے۔ کبھی ایران کے تسلط کا مرکزتھا، اب ہرروزسنی قوتوں کا استقبال کررہا ہے۔ روس اورایران کے جانے کے بعد سنی عرب ممالک کے وزراء اپنے اپنے مفادات کے حصول کے لئے شام آ رہے ہیں۔ اسرائیلی میڈیا کے مطابق امریکہ کے سیاسی اور سیکیورٹی حلقوں میں شام سے انخلاء سے متعلق بحث میں اضافہ ہوگیا ہے۔ افغانستان کے بعد اب امریکہ اپنی فوج کو شام سے بھی نکال سکتا ہے۔
واضح رہے کہ شام میں تقریباً 2 ہزار امریکی فوجی موجود ہیں، یہ فوجی اقلیتی طبقہ کے باغیوں کوٹریننگ بھی دیتے ہیں۔ شام میں امریکہ کا التنف بیس اسرائیل کی سیکورٹی کے لئے بے حد خاص ہے۔ اگرامریکہ شام سے باہر نکلا تویہ اسرائیل کے لئے اچھی خبر نہیں ہوگی۔ اسرائیلی میڈیا نے جانکاری دی ہے کہ ڈونالڈ ٹرمپ کے انتظامیہ نے اسرائیلی سیکورٹی اورسیاسی لیڈران کو بتایا ہے کہ امریکہ شام سے اپنی فوج واپس بلانے پرغورکررہا ہے۔
اسرائیل کی تشویش میں اضافہ
اس موضوع پراسرائیل میں کئی ہفتوں سے بحث جاری ہے۔ کان نیوزکے اینکرمسویٰ دیہہ کے مطابق، شام میں امریکی فوجیوں کی تعداد بہت زیادہ نہیں ہے، لیکن ان کی موجودگی کومؤثرمانا جاتا ہے۔ انہوں نے کہا کہ یہ فوج شام کے اسرائیل کے تئیں برتاؤ پر گہرا اثرڈالتی ہیں۔ اس کے علاوہ مسویٰ دیہہ نے کہا کہ امریکی فوج شام میں کرد اقلیتوں کی حمایت کرنے میں بھی اہم کردارادا کرتی ہے۔ ایک یہ بھی الزام لگایا جاتا ہے کہ شام میں ترکی کی طرف گھسنے کی کوشش کی جا رہی ہے۔ مسویٰ دیہہ کے مطابق اسرائیلی لیڈران اس قدم اورڈونالڈ ٹرمپ کی فوج کی انخلا کے فیصلے سے اسرائیل کافی پریشان ہے۔
شام میں اسرائیل
اسرائیل سے متصل شامی بورڈ سے اسرائیلی فوج کئی کلومیٹراندرتک آگئی ہے اوراس نے شام کے ایک بڑے علاقے پرقبضہ جما رکھا ہے۔ دوہفتے پہلے شام کے نئے لیڈراحمد الشریٰ نے شام میں اسرائیلی قبضے کوہٹانے اورگزشتہ اسٹیٹس کوپرلوٹنے کی اپیل کی تھی۔
بھارت ایکسپریس اردو۔
