پاکستان تحریک انصاف نے ریلی کو کیا منسوخ
اسلام آباد: پاکستان کے جیل میں بند سابق وزیر اعظم عمران خان کی پارٹی نے مذہبی وجوہات کا حوالہ دیتے ہوئے ہفتہ کے روز یہاں ہونے والی اپنی ریلی کو منسوخ کرنے کا اعلان کیا۔ ریلی کا مقصد پارٹی کے بانی عمران خان کی رہائی کا مطالبہ کرنا تھا، جو مختلف مقدمات میں سزا پانے کے بعد گزشتہ برس اگست سے جیل میں ہیں۔
جیو نیوز کے مطابق پاکستان تحریک انصاف (پی ٹی آئی) کے چیئرمین بیرسٹر گوہر علی خان نے بدھ کے روز اپنی پارٹی کے حامیوں کو آگاہ کیا کہ یہ فیصلہ ‘لیلۃ القدر’ کی وجہ سے کیا گیا ہے۔ امت مسلمہ رمضان کے مہینے میں لیلۃ القدر کی رات کو بہت اہم سمجھتی ہے اور پوری رات جاگ کر عبادت کرتی ہے۔
انہوں نے حامیوں سے درخواست کی کہ وہ عمران خان اور ان کی اہلیہ بشریٰ بی بی سمیت پارٹی کے تمام کارکنوں اور لیڈران کی رہائی اور سلامتی کے لیے دعا کریں۔
یہ بھی پڑھیں: الیکشن میں بدترین شکست کا سامنا کرسکتی ہے رشی سنک کی پارٹی،سروے سے ہوا انکشاف
گزشتہ ماہ پی ٹی آئی نے 71 سالہ خان کی رہائی کو یقینی بنانے کے لیے پریڈ گراؤنڈ میں ایک بڑے جلسے کا اعلان کیا تھا۔ اسلام آباد ہائی کورٹ نے حکام کو پارٹی کو وفاقی دارالحکومت میں ریلی کرنے کی اجازت دینے کی بھی ہدایت کی تھی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
