Nawaz Sharif on Pakistan Political Crisis: شہباز شریف کے ہاتھ سے نکل گیا پاکستان! بھائی کو بچانے کے لئے نواز شریف نے اٹھایا یہ بڑا قدم

نواز شریف لمبے وقت سے ہندوستان کے ساتھ تعلقات کو معمول پرلانے کے حق میں رہے ہیں۔ چاہے 1999 کی لاہوربس یاترا ہویا پھر 2015 میں ہندوستانی وزیراعظم نریندرمودی کا لاہوردورہ۔ نوازشریف نے کئی باردوستی کی پہل کی۔ ایسے میں موجودہ بحران کو دیکھتے ہوئے انہیں پھرسے بیک چینل ڈپلومیسی کے محاذ پرسرگرم کیا گیا ہے۔ رپورٹ کے مطابق، ہندوستان اورپاکستان کے قومی سلامتی کے مشیروں کے درمیان خفیہ مذاکرات شروع ہو گئے ہیں۔ ان بیک ڈورکوششوں کوتقویت دینے میں نوازشریف کا کردارسمجھا جاتا ہے۔

جوابی کارروائی سے پاکستان پست

حالانکہ پاکستان کی صورتحال مسلسل خراب ہوتی جا رہی ہے۔ ہندوستان کی جوابی فوجی کارروائی کے جواب میں پاکستان نے بھلے کچھ فائٹرجیٹس گرانے کا دعویٰ کیا ہو، لیکن بین الاقوامی اسٹیج پراسے حمایت نہیں مل رہی ہے۔ امریکہ اوریوروپی ممالک نے ہندوستان کے اپنے دفاع کے حق کو منظوری دی ہے اورپاکستان کو دہشت گردی کے خلاف سختی سے قدم اٹھانے کی وارننگ دی ہے۔ اس سب کے درمیان نواز شریف کی واپسی شہبازحکومت کو کچھ راحت دینے کی کوشش ضرور ہے، لیکن داخلی سیاسی بحران اورعالمی دباؤ کے درمیان ان کا راستہ آسان نہیں ہوگا۔

یہ بھی پڑھیں:  Mirwaiz Umar Farooq on India-Pakistan Tensions: خطبہ جمعہ میں پاکستان کا ذکرکرکے حریت کانفرنس صدر میر واعظ عمرفاروق کا بڑا بیان،’جب بھی کشیدگی ہوتی ہے تب…’

اب نواز شریف خود سنبھالیں گے کمان

موجودہ حالات میں یہ واضح ہوگیا ہے کہ پاکستان کی باگ ڈور اب پوری طرح نواز شریف کے ہاتھ میں جانے لگی ہے۔ فوج اور سول لیڈرشپ کے درمیان ہم آہنگی پیدا کرنے، بین الاقوامی دباؤ میں کمی اورہندوستان کے ساتھ کشیدگی کم کرنے جیسے اہم ایشوزپرسرگرم ہوگئے ہیں۔ لیکن سوال یہ ہے کہ کیا ان کی کوششیں رنگ لائیں گی یا پاکستان ایک اور بڑے سیاسی بحران کی طرف بڑھ رہا ہے؟